20.03.2026 | 19:21
Նոր նշանակումներ Քննչական կոմիտեում
ԱՄՆ-ն Ալյասկայի մոտակայքում ռուսական 4 ռազմական ինքնաթիռ է որսացել
Քաղաքականություն
15.02.2023 | 14:54
Ամերիկացի զինվորականները հայտնել են Ալյասկայի մերձակայքում ռուսական 4 ռազմական ինքնաթիռ որսալու մասին։
Հյուսիսամերիկյան օդատիեզերական պաշտպանության հրամանատարությունը (NORAD) հաղորդել է չորս ռուսական ինքնաթիռի, այդ թվում՝ Տու-95 ռմբակոծիչների և Սու-35 կործանիչների հայտնաբերման մասին, որոնք մտել են Ալյասկայի հակաօդային պաշտպանության նույնականացման գոտի, փոխանցում է VOA-ն:
NORAD-ի ներկայացուցիչները նշել են, որ իրենք ակնկալում էին ռուսական ակտիվություն և կարողացել են արագ օդ բարձրացնել երկու F-16 կործանիչներ՝ ռուսական ինքնաթիռները նույնականացման գոտում որսալու համար, որն ընդգրկում է ԱՄՆ-ից և Կանադայից դուրս՝ Ալյասկայի մոտ միջազգային օդային տարածքը:
Օգնության են ուղարկվել նաև երկու F-35A կործանիչներ, E-3 Sentry հեռահար ռադիոտեղորոշիչ ինքնաթիռ և երկու KC-135 Stratotanker ինքնաթիռ։
Հրամանատարությունը նշել է, որ միջադեպը կապ չունի այս ամսվա սկզբին ԱՄՆ-ի և Կանադայի տարածքների վրա խոցված օբյեկտների հետ, և որ ռուսական ինքնաթիռները չեն մտել երկու երկրների ինքնիշխան օդային տարածք։
Տաթև Ֆռանգյան
