20.03.2026 | 22:27
Լուկաշենկոն հայտարարել է, որ ԱՄՆ-ը Բելառուսին «մեծ գործարք» է առաջարկել
Ինչ է մտնում առողջության համապարփակ ապահովագրության փաթեթի մեջ. մանրամասնում է Ավանեսյանը․ ՏԵՍԱՆՅՈՒԹ
15.02.2023 | 13:01
Մենք մշտապես բախվում ենք այն խնդրին, որ մարդը ունի որոշակի բժշկական ծառայության կարիք և չունի գումար այդ ծառայությունը ստանալու։ Այս մասին մամուլի այսօր ասուլիսի ժամանակ ասաց առողջապահության նախարար Անահիտ Ավանեսյանը՝ խսելով առողջապահական համապարփակ ապահովագրական փաթեթի մասին։
Նախարարը մանրամասնեց, թե ինչ է մտնում առողջության համապարփակ ապահովագրության փաթեթի մեջ։ Նրա հավաստմամբ՝ առողջության համապարփակ ապահովագրության փաթեթը ներառելու է սկրինինգային ծրագրերը, կանխարգելիչ միջոցառումները, տարեկան պարտադիր հետազոտությունները, նաև վիրահատական միջոցառումներ։
Ավանեսյանի խոսքով՝ չի լինելու եկամտից կախված վճարային համակարգ. ապահովագրավճարը հաստատուն թիվ է լինելու, տարեկան գումարը բաժանվելու է ամիսների վրա և քաղաքացին ամսական վճարում է կատարելու:
«Աշխատող քաղաքացիների համար այդ վճարները կգանձվեն գործատուի կողմից, իսկ այն քաղաքացիները, որոնք ֆորմալ աշխատանք չունեն և այն խմբում չեն, որոնց համար պետությունը պետք է վճարի, իրենք պետք է անեն ամսական վճարումը:
Եթե քաղաքացին հայտարարագրի իր եկամուտները և պարզվի, որ նրա եկամուտը միջին աշխատավարձից ցածր է, ապա պետությունը կսուբսիդավորի նրա ապահովագրավճարի որոշ չափը», – նշեց նախարարը:
Նշենք, որ 2027թ.-ին նախատեսվում է ունենալ պարտադիր ապահովագրական ամբողջական ծածկույթ ՀՀ ողջ բնակչության համար։
Մանրամասները՝ տեսանյութում։
