09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Պետությունն իր վրա կվերցնի թոշակառուների ապահովագրությունը. Անահիտ Ավանեսյան․ ՏԵՍԱՆՅՈՒԹ
Հասարակություն
15.02.2023 | 12:34
Մեկնարկել է առողջապահության նախարար Անահիտ Ավանեսյանի մամուլի ասուլիսը՝ առողջության համապարփակ ապահովագրության համակարգի ներդրում թեմայով։
Առողջության համապարփակ ապահովագրության համակարգերը բարեհաջող գործում են, եթե առաջնային օղակը ունի կարողություններն իր վրա վերցնելու հիմնական բեռը։ Լրագրողների հետ հանդիպմանն այս կարծիքը հայտնեց ՀՀ առողջապահության նախարար Անահիտ Ավանեսյանը:
Նախարարի խոսքով՝ առողջության համապարփակ ապահովագրության համակարգը ներդրվել է փուլային եղանակով. 2024 թվականից պետական պատվերի բոլոր շահառուների համար համակարգը կսկսի գործել:
«Կունենանք միասնական, առանց աղճատման շահառուների խումբ, ծառայությունների քանակ եւ շրջանակ՝ մեկ ապահովագրական փաթեթ պետության կողմից ապահովագրված շահառուների համար։ Ապա կսկսի գործել կամավոր ապահովագրությունն այն քաղաքացիների համար, որոնք ամսական վճարումների միջոցով կարող են ներգրավվել համակարգին, պետությունն էլ կսկսի միջին աշխատավարձից ցածր եկամուտներ ունեցողների համար սուբսիդավորման համակարգ ներդնել։ 2025-ից պետությունը ծրագրում կներառի թոշակառուներին․ պետությունն իր վրա կվերցնի թոշակառուների ապահովագրությունը»։
Նախարարը հավելեց, որ 2027թ.-ին արդեն կլինի պարտադիր ապահովագրական ամբողջական ծածկույթ ՀՀ ողջ բնակչության համար։
Մանրամասները՝ տեսանյութում։
