25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Գրիգորյանը՝ Բաքվի հետ պայմանագրի կազմման մասին․ Թուրքիայից շնորհակալություն են հայտնել ՀՀ-ին․ Լուրեր
14.02.2023 | 20:25
- ԱԽ քարտուղար Արմեն Գրիգորյանն այսօր հայտարարել է, որ հայկական կողմը ստացել է խաղաղության պայմանագրի շուրջ ադրբեջանական կողմի փոխանցած տեքստը, աշխատում է դրա վրա և շուտով կփոխանցի Բաքվին։ Նրա խոսքով՝ Հայաստանը շարունակում է աշխատել միջազգային գործընկերների հետ, որպեսզի միջազգային տեսանելի մեխանիզմի շրջանակում քննարկումներ տեղի ունենան Ստեփանակերտի և Բաքվի միջև։
- ԱԽ քարտուղարը նաև ասել է, թե Հայաստանը պատրաստ է ցանկացած պահի Թուրքիայի հետ սահմանի բացմանը և հարաբերությունների կարգավորմանը։ Ըստ պաշտոնյայի՝ հայկական և թուրքական կողմերը քննարկումներ են ունենում այդ ուղղությամբ:
- Թուրքիայի «Ազգայնական շարժում» կուսակցության նախագահ Դևլեթ Բահչելին, որը նախագահ Ռեջեփ Թայիփ Էրդողանի դաշնակիցն է, խորհրդարանական խմբակցության հետ հանդիպմանըշնորհակալություն է հայտնել Թուրքիային օգնության հասած երկրներին, այդ թվում՝ Հայաստանին։
Այս ժամի լուրերը՝ տեսանյութում։
