29.11.2024 | 23:13
Հայաստանի մի շարք հասցեներում էլեկտրաէներգիայի անջատումներ կլինեն
Թուրքիայում օտարերկրյա օգնության վրա փակցում են Էրդողանի կուսակցության տարբերանշանը կամ ներկայացնում որպես պետական․ Frankfurter Allgemeine Zeitung
Քաղաքականություն
14.02.2023 | 22:45
Թուրքիայի Աղետների և արտակարգ իրավիճակների կառավարման պետական վարչությունը (AFAD) փորձում է երկրաշարժից տուժած երկրին օտարերկրյա օգնությունը ներկայացնել որպես սեփական աջակցություն։ Այս մասին գրում է գերմանական Frankfurter Allgemeine Zeitung-ը, որին վկայակոչում է Gercek News-ը։
«Այն, ինչ ժամանում է Ադանայի օդանավակայան, պիտակավորված է AFAD-ի կպչուն պիտակներով»,- գրում է FAZ-ը՝ հավելելով, որ նախագահ Ռեջեփ Թայիփ Էրդողանի իշխող «Արդարություն և զարգացում» կուսակցության (AKP) լոգոտիպը նույնպես փակցվում է օգնության որոշ պարագաների վրա:
«Սոցիալական ցանցերում բազմաթիվ տեսանյութեր են շրջանառվում, որոնք ցույց են տալիս, թե մասնավոր օգնության առաքումներն ընդդիմադիր կուսակցությունների կողմից կառավարվող ավելի փոքր քաղաքներից ևս նշվում են իշխող ԱԶԿ-ի տարբերանշանով»,- գրում է գերմանական լրատվականը։
Հավելենք, որ վերջին տվյալներով՝ Թուրքիայում երկրաշարժի զոհերի թիվը հասնում է 32․000-ի։ Աղետալի երկրաշարժերից հետո աշխարհի տարբեր երկրներ հումանիտար օգնություն են ուղարկել Թուրքիա, այդ թվում՝ Հայաստանը։
Էմմա Չոբանյան
