Հասարակություն
14.02.2023 | 17:02Ազատազրկված անձանց կրթության իրավունքն ամրագրված է քրեակատարողական ոլորտը կանոնակարգող օրենսդրությամբ: Կրթությունը նաև ազատազրկված անձանց վերասոցիալականացման կարևոր բաղադրիչներից է: Մինչդեռ ազատազրկված անձանց կրթության իրավունքն արդյունավետ ձևով չի իրացվում, ինչը կապված է օրենսդրական, պրակտիկ և մի շարք այլ խնդիրների հետ: Դա ոչ միայն հանգեցնում է ազատազրկված անձանց կրթության իրավունքի խախտմանը, այլև խաթարում է նրանց վերասոցիալականացման գործընթացը՝ մեծացնելով կրկնահանցագործություն կատարելու ռիսկերը:
«Իրավական նախաձեռնությունների կենտրոն» ՀԿ-ի այսօր կազմակերպած «Կրթությունը քրեակատարողական հիմնարկներում. մարտահրավերներ և հեռանկարներ» թեմայով կոնֆերանսի ընթացքում տեսակապի միջոցով խնդիրների մասին բարձրաձայնեցին նաև դատապարտյալները՝ հանդես գալով տեսաուղերձով։
«Այս տարի հնարավորություն ստեղծվեց համագործակցութուն հաստատել «Որարտու» համալսարանի, Հյուսիսային համալսարանի և «Եվրասիա» համալսարանի հետ, որոնք պատրաստ են բարձրագույն կրթություն ապահովել, բայց ցանկալի է, որ այլ բուհեր ևս իրենց պատրաստակամությունը հայտնեն և հնարավորություն տան բարձրագույն կրթություն ստանալու, այդ թվում նաև, օրինակ՝ ԵՊԲՀ-ն։ «Սևան» ՔԿՀ-ում ունենք դատապարտյալ, որը 4 տարի սովորել է այդ բուհում, հետագայում ԵՊԲՀ-ն չցանկացավ համագործակցել և հնարավորություն տալ ուսումնառությունը շարունակելու, պատճառները մենք չգիտենք։
Ճարտարագիտական համալսարանում սովորելու ցանկացողներ ևս կան, բայց այդ համալսարանը ևս հրաժարվեց համագործակցությունից։
Բուհերը պետք է շահագրգռված լինեն դատապարտյալների հետ աշխատելու, և պետք է ընդունեն այս մոտեցումը, որ ուզեն թե չուզեն, մենք ևս մի մասն ենք այս հասարակության, և ուշ թե շուտ դուրս ենք գալու ՔԿՀ- ներից և ավելի նպատակահարմար կլինի, որ կրթված և ավելի բարձր մակարդակով դուրս գանք։ Դա ձեռնտու է և՛ հասարակությանը, և՛ մեզ։
Կան դատապարտյալներ, որ ունեն միջին մասնագիտական կթություն ստանալու ցանկություն, դատապարտյալներին պետք է հնարվորություն տալ ՔԿՀ-ներից դուրս գալ ինչ-որ փեշակ սովորած»,- այս մասին նշեց դատապարտյալներից մեկը, որը ևս բուհի ուսանող է։
Մանրամասները՝ տեսանյութում։
