14.12.2025 | 13:41
Անհայտ անձինք կրակ են բացել Ավստրալիայի լողափում
Ալիևը ՌԴ արտգործնախարարի հատուկ ներկայացուցչի հետ քննարկել է Բաքվի և Երևանի միջև հարաբերությունների կարգավորման հարցը
Քաղաքականություն
14.02.2023 | 17:10
Ադրբեջանի նախագահ Իլհամ Ալիևը երեքշաբթի ընդունել է հայ-ադրբեջանական հարաբերությունների կարգավորման հարցերով ՌԴ ԱԳ նախարարի հատուկ ներկայացուցիչ Իգոր Խովաևին։ Այս մասին հայտնում է ադրբեջանական պետության ղեկավարի կայքը։
«Հանդիպմանը մտքերի փոխանակություն է տեղի ունեցել Հայաստանի և Ադրբեջանի միջև հարաբերությունների կարգավորման հարցով բանակցությունների ընթացքի, խաղաղության պայմանագրի նախապատրաստման շուրջ»,- ասվում է հաղորդագրության մեջ։
Նշվում է, որ Իգոր Խովաևը Ադրբեջանի նախագահին տեղեկացրել է տարածաշրջան կատարած այցի և Ռուսաստանի ձեռնարկած քայլերի մասին՝ ուղղված Հայաստանի և Ադրբեջանի միջև խաղաղության պայմանագրի նախապատրաստման բանակցությունների գործընթացին աջակցելուն։
«Խոսելով Ռուսաստանի և Ադրբեջանի երկկողմ հարաբերությունների մասին՝ նախագահ Ալիևը գոհունակությամբ ընդգծել է, որ համագործակցությունը հաջողությամբ զարգանում է տարբեր ոլորտներում»,- ասվում է հայտարարության մեջ։
Տաթև Ֆռանգյան
