07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Թուրքիայում երկրաշարժի հետևանքով 42,000 շենք փլուզվել է կամ քանդման կարիք ունի
Քաղաքականություն
14.02.2023 | 16:22
Թուրքիայի քաղաքաշինության նախարար Մուրադ Քուրումը հայտարարել է, որ 42,000 շենք կա՛մ փլուզվել է, կա՛մ հրատապ քանդման կարիք ունեն, կա՛մ լրջորեն վնասվել է Թուրքիայի 10 քաղաքներում, որոնք մեծ վնաս են կրել անցյալ շաբաթ տեղի ունեցած հզոր երկրաշարժերի հետևանքով, գրում է Gercek news-ը։
Քուրումը նշել է, որ միայն Անթեփում զոհվածների թիվը 3,729 է, որոնողափրկարարական աշխատանքների ժամանակ փլատակների տակից դուրս բերված քաղաքացիների թիվը 15,010 է։
Թուրք նախարարը նշել է, որ կառավարությունն Իսլահիյեում և Նուրդագիում կոնտեյներային քաղաքներ է կառուցել։
«Մինչ այժմ ուսումնասիրել ենք 307,763 շինություն, որոնցից 41,791-ը քանդված են, հրատապ քանդման կարիք ունեն կամ խիստ վնասված են։ Սա համարժեք է մոտ 190,172 տների և աշխատավայրերի»,- ասել է Քուրումը։
Հավելենք, որ Թուրքիայում երկրաշարժերի հետևանքով զոհերի թիվը գերազանցել է 31,000-ը։
Էմմա Չոբանյան
