05.11.2024 | 16:25
Նորք-Մարաշում մեծահարուստներն ամեն մեկն իր տան դիմաց ճանապարհային խոչընդոտ էր դրել, վերացրինք․ Ավինյան․ ՏԵՍԱՆՅՈՒԹ
ՌԴ-ն ներկայում Ուկրաինայում կենտրոնացրել է շուրջ 300 հազարանոց անձնակազմ՝ կրկնակի անգամ ավելի, քան ներխուժման սկզբում․ բրիտանական հետախուզություն
Քաղաքականություն
14.02.2023 | 15:01
ՌԴ-ն ներկայում Ուկրաինայում կենտրոնացրել է շուրջ 300 հազար մարդու, ինչը կրկնակի անգամ ավելի է, քան ներխուժման սկզբում։ Ուկրաինայում գտնվող ռուսական ուժերին հրաման է տրվել գրոհել ռազմաճակատի բազմաթիվ հատվածներում։ Այս մասին ասվում է Ուկրաինայում իրավիճակի վերաբերյալ Մեծ Բրիտանիայի ՊՆ ամենօրյա զեկույցում, փոխանցում է Մեդուզան։
«Ընդհանուր առմամբ, ներկայիս օպերատիվ պատկերը վկայում է այն մասին, որ ռուսական զորքերին հատվածների մեծ մասում գրոհելու հրաման է տրվել, սակայն նրանք բավականաչափ ուժեր չեն կուտակել ուղղություններից և ոչ մեկում՝ վճռորոշ ճեղքման համար»,- ասվում է հաղորդագրության մեջ։
Բրիտանական հետախուզության կարծիքով՝ ՌԴ-ն, ամենայն հավանականությամբ, ձգտում է զրոյացնել այն ամենի մի մասը, ինչին ուկրաինացի զինվորականները հասլ են 2022 թվականի սեպտեմբեր-նոյեմբերին հակագրոհի ընթացքում։ Ըստ Մեծ Բրիտանիայի ՊՆ-ի՝ ՌԴ ուժերի մոտակա թիրախը կարող է դառնալ Ժերեբեց գետից արևմուտք առաջխաղացումը։
Մեծ Բրիտանիայի Պաշտպանության նախարարությունը հայտնում է նաև, որ «Վագներ» ռազմական խմբավորումը տեղական հաջողությունների է հասել Դոնեցկի մարզի Բախմուտի շրջանում, մասնավորապես՝ Կրասնայա Գորա գյուղում։ Սակայն, ինչպես նշում են բրիտանացի զինվորականները, Ուկրաինան շարունակում է պաշտպանությունը պահել տարածքում: Բացի այդ, ռուսական ուժերը փորձել են առաջխաղացման հասնել Լուգանսկի շրջանի Կրեմեննայա-Սվատովո շրջանում, սակայն ճեղքում չի եղել։
Արևմտյան երկրները կանխատեսում են, որ Ռուսաստանը պատերազմի մեջ կներքաշի ևս մի քանի հարյուր հազար մարդու։
Տաթև Ֆռանգյան
