09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
ՀԱՊԿ-ում չեն բացառել կազմակերպության հնարավոր ընդլայնումը
Քաղաքականություն
14.02.2023 | 13:50
ՀԱՊԿ-ի ընդլայնման հնարավորությունը կա, և կան բոլոր հեռանկարները, որ բարեկամ երկրները միանան կազմակերպությանը։ ՌԻԱ Նովոստիի փոխանցմամբ՝ այս մասին հայտարարել է ՀԱՊԿ միացյալ շտաբի ղեկավար Անատոլի Սիդորովը։
«Կազմակերպության ընդլայնման հնարավորությունը եղել է, կա և կլինի։ Այն բարեկամ երկրները, որոնք կցանկանան նախ լինել կազմակերպության գործընկերներ, կազմակերպությունում դիտորդներ, հետո՝ կազմակերպության անդամներ, բոլոր հեռանկարները բաց են նրանց համար։ Սրա համար կա համապատասխան իրավական հիմք, սակայն իրադարձություններից առաջ չեմ ընկնի»,- մամուլի ասուլիսի ժամանակ ասել է Սիդորովը։
«Եթե նման որոշում կայացվի և ավելանա ՀԱՊԿ անդամ երկրների կազմը, մենք միշտ պատրաստ կլինենք նրանց ընդունել համատեղ օպերատիվ պատրաստության միասնական համակարգ»,- հավելել է նա։
Տաթև Ֆռանգյան
