«Բազար մի սարքեք». բուռն քննարկում՝ Երևանի ավագանու նիստում․ ՏԵՍԱՆՅՈՒԹ

Երևանի քաղաքապետարանի ավագանու այսօրվա նիստում օրակարգի հարցերից մի քանիսը՝ 2-12-ը չզեկուցվող են։ Առաջարկվեց չզեկուցվող դարձնել նաև 17-20-րդ հարցերը, ինչը բուռն քննարկման առիթ հանդիսացավ։

«Այն, ինչ ձեռք է տալիս, ճխտում եք չզեկուցվողների մեջ, վախեր ունեին չզեկուցվողների մասին խոսելիս․․․»,-տեղից արձագանքեց «Լույս» խմբակցությունից Անի Խաչատրյանը։

Ավագանին կողմ քվեարկեց, որպեսզի ներկայացված հարցերը լինեն չզեկուցվող։
Ավագանու ընդդիամդիր անդամների համար անհասկանալի էր, թե օրինակ, հաշվիչ հանձնաժողովի կազմը հաստատելու մասին հարցը մյուս հարցերի հետ ինչո՞ւ են չզեկուցվողի տակ անցկացնում։

«Նմանատիպ բանը Ազգային ժողովում էլ կա։ Պետք չէ չափազանցնել հիմա։ Եթե հարցերը ժամանակին բաժանվում են, ու հարցադրումներ ունեք՝ ոչ միայն ստեղ ելույթ ունենալու, ֆեյսբուքում քոմենթներ գրելու, լայքեր հավաքելու համար է, խնդրում եմ այդ հարցադրումները գրեք, քննարկենք»,- դիմելով ավագանու անդամներին՝ նշեց Երևանի քաղքապետ Հրաչյա Սարգսյանը։
Անի Խաչատրյանը կրկին տեղից արձագանքեց, բայց դահլիճում աղմուկ էր, ոչինչ չէր լսվում,
«Բազար մի՛ սարքեք»,- վրդովված նշեց քաղաքապետը։

Անի Խաչատրյանը շարունակեց․ «Հաստիքացուցակի կրճատում եք բերել, զեկուցվող, բայց էն մյուսը, որ բերեցիք, կրճատեցիք, նորից հետ եք բերում․․․լղոզեցիք․․․»,- ասաց Խաչատրյանը։

Քաղաքապետն արձագանքեց․ «Քանի որ դուք այստեղ եք, չենք կարող լղոզել, ելույթ կունենաք, կասեք։

Մանրամասները՝ տեսանյութում։