06.10.2026 | 20:00
ՀՀ-ն ռուս-թուրքական սպառնալիքին կդիմակայի դեպի ԵՄ գնալով․ ուզում են Սյունիքը վերցնել․ Դավիթ Շահնազարյան. ՏԵՍԱՆՅՈՒԹ
ՀԱՊԿ զորավարժությունները Հայաստանի փոխարեն կանցկացվեն Ղրղզստանում
Քաղաքականություն
14.02.2023 | 12:45
ՀԱՊԿ «Անխորտակելի եղբայրություն» զորավարժությունները Հայաստանի փոխարեն անցկացվելու են Ղրղզստանում։ Այս մասին հայտնել է ՀԱՊԿ միացյալ շտաբի ղեկավար Անատոլի Սիդորովը, գրում է Ռիա Նովոստին։
«Ղրղզստանի Հանրապետության տարածքում նախատեսվում է անցկացնել «Անխորտակելի եղբայրություն» համատեղ զորավարժություններ ՀԱՊԿ խաղաղապահ ուժերի մասնակցությամբ․ մշակվելու են հետհակամարտությունների, ճգնաժամային գոտում կարգավորման խնդիրները, ինչպես նաև խաղաղապահ գործողության անցկացումը՝ օգտագործելով ՀԱՊԿ հավաքական անվտանգության համակարգի ուժերն ու միջոցները՝ խաղաղության և անվտանգության պահպանման շահերից ելնելով»,- ասել է Սիդորովը ասուլիսի ընթացքում։
Հիշեցնենք, որ ավելի վաղ ՀՀ վարչապետ Նիկոլ Փաշինյանը հայտարարել էր, որ Հայաստանում ՀԱՊԿ զորավարժություններ այս տարի տեղի չեն ունենա։ «Պաշտպանության նախարարն արդեն իսկ ՀԱՊԿ միացյալ շտաբին տեղեկացրել է, որ մենք ՀՀ-ում նման զորավարժություններ անցկացնելը նպատակահարմար չենք համարում, և դրանք, համենայնդեպս՝ այս տարի, չեն կայանա»,-ասել էր Փաշինյանը։
Էմմա Չոբանյան
