16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Երեքշաբթի կքննարկվի Ուկրաինային ինքնաթիռների հնարավոր մատակարարման հարցը. Ստոլտենբերգ
Քաղաքականություն
13.02.2023 | 18:22
ՆԱՏՕ-ի գլխավոր քարտուղար Յենս Ստոլտենբերգն ակնկալում է, որ Ուկրաինային ինքնաթիռների մատակարարման հարցը կքննարկվի Դաշինքի անդամ պետությունների պաշտպանության նախարարների առաջիկա երկօրյա հանդիպմանը, որը կմեկնարկի երեքշաբթի, գրում է Reuters-ը։
«Այժմ քննարկում է ընթանում նաև ինքնաթիռների հարցի շուրջ, և ես ակնկալում եմ, որ դա նույնպես կքննարկվի վաղը Բրյուսելում կայանալիք հանդիպման ժամանակ»,- ասել է նա։
Պաշտոնյան հավելել է, որ ինքնաթիռների մատակարարումը կարևոր է Ուկրաինայի համար, մինչդեռ Ռուսաստանի կողմից հարձակման պայմաններում գետնի վրա հրատապ աջակցության կարիք կա։
Նա նաև նշել է, որ ՆԱՏՕ-ի երկրները, որոնք կործանիչներ կմատակարարեն Ուկրաինային, Դաշինքը չեն դարձնի հակամարտության կողմ։
Էմմա Չոբանյան
