28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ՀՀ-ն օգնեց Թուրքիայի աղետյալ բնակիչներին․ ինչպե՞ս Էրդողանի իշխանությունը կպատասխանի՝ իր գործն է․ Վահրամ Մարտիրոսյան. ՏԵՍԱՆՅՈՒԹ
Քաղաքականություն
13.02.2023 | 19:32
Որքանո՞վ է արդարացված Հայաստանի իշխանության որոշումը՝ Թուրքիա ուղարկել 100 տոննա հումանիտար բեռ, փրկարարների խումբ՝ այն դեպքում, երբ Թուրքիան 44-օրյա պատերազմում անթաքույց աջակցել է Ադրբեջանին, էլ չասենք՝ 108 տարի առաջ իրագործած Հայոց ցեղասպանությունը չի ընդունել։
Գրող, սցենարիստ Վահրամ Մարտիրոսյանը Factor TV-ին տված հարցազրույցում կարծիք է հայտնում, որ կան իրավիճակներ, երբ պետք չէ 10, 100 կամ 500 տարի հետ գնալ, այդ բոլոր հաշիվները բերել ներկա և նոր միայն որոշում կայացնել։
«Դա նման է մի իրավիճակի, երբ ես փողոցում տեսնեմ, որ մեկն ընկավ, տեղյակ լինեմ, որ նա իմ հանդեպ թշնամական վերաբերմունք ունի, գործողություններ է արել, և ես անցնեմ նրա կողքով կամ ուրախանամ։ Ես առաջին հերթին իրեն կօգնեմ, հետո նոր՝ ինչ հաշիվներ ունեմ, իր հետ կլուծեմ։ Ես կարծում եմ, որ վեհանձնությունը, օժանդակությունը դժբախտության մեջ գտնվող մարդկանց ընդհանրապես սակարկելի չէ։ Դու կա՛մ վեհանձն ես, կա՛մ ոչ։ Ես նույնիսկ այդ մտածելակերպն եմ սխալ համարում, որ տեսեք՝ ձեզ օգնեցինք, որ դուք էլ ձեզ այդպես պահեք։ ՀՀ-ն օգնեց Թուրքիայի աղետյալ բնակիչներին, ինչպե՞ս Էրդողանի իշխանությունը կպատասխանի՝ իր գործն է»,- ասաց Վահրամ Մարտիրոսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
