05.11.2024 | 18:30
Նախաքննությամբ ձեռնարկված միջոցառումների արդյունքում 900 միլիոն դրամ է վերադարձվել պետությանը
Լուկաշենկոն հայտարարել է, որ ՀԱՊԿ անդամ երկրները «պետք է հստակեցնեն իրենց դիրքորոշումը ռուս-ուկրաինական հակամարտության վերաբերյալ»
Քաղաքականություն
13.02.2023 | 17:11
Բելառուսի նախագահ Ալեքսանդր Լուկաշենկոն ՀԱՊԿ գլխավոր քարտուղար Իմանգալի Տասմագամբետովի հետ այսօր Մինկսում տեղի ունեցած հանդիպման ժամանակ հայտարարել է, թե ՀԱՊԿ անդամ երկրները պետք է հստակեցնեն իրենց դիրքորոշումը ռուս-ուկրաինական հակամարտության վերաբերյալ։
«Եթե ինչ-որ մեկը կարծում է, որ Ուկրաինայի և ՌԴ-ի հակամարտությունը մեր հակամարտությունը չէ, որ ինչ-որ մի տեղ կարելի է աննկատ նստել ու սպասել, ապա նման բան չկա, այդպես չի լինի։ Կգա ժամանակը, այն հեռու չէ, բառացիորեն վաղը, կպահանջվի կողմնորոշում, որոշակի դիրքորոշման արտահայտում։ Չեմ ասում՝ ի վնաս ազգային շահերի և այլն։ Բայց մեր բոլոր դաշնակցային թերություններով հանդերձ՝ մենք ստիպված ենք լինելու հստակ սահմանել մեր քաղաքականությունը, մեր գիծը, որպեսզի միասին գործենք։ Միասին միշտ ավելի թեթև է ու հեշտ»,- Բելառուսի նախագահի խոսքերն է մեջբերում ԲԵԼՏԱ գործակալությունը։
Նրա խոսքով՝ անհրաժեշտ է փոխզիջումներ գտնել։
«Մենք պետք է փոխզիջումներ գտնենք, թեև մենք դրանք վաղուց գտել ենք ՀԱՊԿ-ում, և հանդես գալ որպես մեկ կազմակերպություն: Կարծում եմ, որ մենք պետք է անցնենք այս դժվարին շրջանը, և դա է՛լ ավելի կմիավորի մեր կազմակերպությունն այդ հարցում»,- ասել է Բելառուսի ղեկավարը։
Տաթև Ֆռանգյան
