08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Կրեմլը Մոլդովայում իրավիճակն ապակայունացնելու գաղտնի ծրագիր է մշակել․ Սանդու
Քաղաքականություն
13.02.2023 | 17:55
Մոլդովայի նախագահ Մայա Սանդուն հաստատել է, որ Կիևից ստացել է իր երկրում իրավիճակն ապակայունացնելու Կրեմլի գաղտնի ծրագրերի մասին տեղեկություններ, գրում է DW-ի ռուսական ծառայությունը:
«Սա կարճաժամկետ ծրագիր է, որը նախատեսում է դիվերսիա՝ քաղաքացիական հագուստով զինվորական պատրաստվածություն ունեցող անձանց մասնակցությամբ։ Նրանք ծրագրում են բռնի գործողություններ, այդ թվում՝ հարձակումներ որոշ պետական հաստատությունների վրա, ինչպես նաև մարդկանց պատանդառում»,- ասել է նա։
Սանդուի խոսքով՝ Մոլդովայում դիվերսիա իրականացնելու՝ Կրեմլի ծրագիրը նոր չէ։
«Իրավիճակն ապակայունացնելու և պետության վիճակը խարխլելու փորձեր եղել են նաև անցյալ տարվա աշնանը, սակայն դրանք չեն հասել իրենց նպատակին՝ մեր անվտանգության և հասարակական կարգի ապահովման մարմինների օպերատիվ միջամտության շնորհիվ։ Հոկտեմբերից դեկտեմբեր ընկած ժամանակահատվածում ոստիկանությունն ու Տեղեկատվության և անվտանգության ծառայությունը մի քանի անգամ միջամտել են կազմակերպված հանցագործների ծրագրերին և կանգնեցրել բռնության փորձերը»,- ասվում է Սանդուի պաշտոնական կայքում հրապարակված հայտարարության մեջ:
Միաժամանակ, Ուկրաինայի կողմից փոխանցված նյութերը պարունակում են այդ դիվերսիոն գործողությունների կազմակերպման նյութատեխնիկական ապահովման մանրամասն փաստաթղթեր։ Բողոքի խաղաղ ակցիաների քողի տակ փորձ է արվում իշխանությունը զավթել Քիշնևում, այս ծրագիրը ներառում է Ռուսաստանի Դաշնության, Բելառուսի, Սերբիայի և Չեռնոգորիայի քաղաքացիների օգտագործումը բռնի գործողություններ կատարելու համար, ասվում է հայտարարության մեջ։
Սանդուն հավելել է, որ Մոլդովայի ուժային կառույցները միջոցներ են ձեռնարկում այդ սադրանքները կանխելու և իրավիճակը վերահսկողության տակ պահելու համար։
Տաթև Ֆռանգյան
