05.11.2024 | 16:41
Վիենի քաղաքապետի գլխավորած պատվիրակությունն այցելել է Սյունիք
Եվրահանձնաժողովը կարծում է, որ ԵՄ-ն անցել է գնաճի գագաթնակետը
Քաղաքականություն
13.02.2023 | 18:52
Եվրահանձնաժողովը կարծում է, որ Եվրամիությունում սպառողական գների աճի գագաթնակետն անցել է: Այս մասին ասված է Եվրահանձնաժողովի ձմեռային տնտեսական կանխատեսման մեջ։
«Գնաճի տեմպերի նվազման երեք ամիսները հաստատում են, որ ինչպես կանխատեսվում էր աշնանը՝ գագաթնակետն արդեն հետևում է»,- ասվում է հաղորդագրության մեջ։
Անցյալ տարի Եվրամիությունում գնաճը հասել է ռեկորդային մակարդակի՝ անցնելով 11 տոկոսի սահմանագիծը։
Ձմեռային տնտեսական կանխատեսման մեջ Եվրահանձնաժողովը նվազեցրել է ընթացիկ տարվա համար Եվրամիությունում գնաճի գնահատականը մինչև 6,4%՝ աշնանային կանխատեսման 7,0%-ից: 2024 թվականի համար կանխատեսումը 3,0%-ից իջեցվել է մինչև 2,8%։ 2022 թվականին ԵՄ-ում գնաճը կազմել է 9,2 տոկոս՝ աշնանը սպասվող 9,3 տոկոսի դիմաց։
Տաթև Ֆռանգյան
