11.01.2025 | 12:34
Խաչատրյանի անվան 21-րդ միջազգային մրցույթը կանցկացվի «դիրիժորություն» մասնագիտությամբ
Արցախի ավագ դպրոցներում անցել են 6-օրյա ռեժիմի․ դասասենյակներում փայտի վառարաններ են տեղադրվել. ՏԵՍԱՆՅՈՒԹ
Հասարակություն
13.02.2023 | 14:41
Արցախում Ադրբեջանի կողմից գազամատակարարման խափանումների ֆոնին գազով ջեռուցվող դպրոցներում տեղադրվել են փայտի վառարաններ, և շաբաթ օրվանից վերսկսվել են պարապմունքները 9-ից 12-րդ դասարանցիների համար, որպեսզի ավարտական դասարանների աշակերտները հետ չմնան ուսումնական ծրագրից:
Աշակերտներն առայժմ բաց կթողնեն ֆիզկուլտուրայի դասերը․ եղանակային պայմանները թույլ չեն տալիս:
Մայրաքաղաքի Եղիշե Չարենցի անվան հիմնական դպրոցում գործում է հինգ 9-րդ դասարան՝ 130 աշակերտով: Բոլոր 5 դասարաններում տեղադրված են փայտի վառարաններ: Պատասխանատուները վաղ առավոտից են հոգ տարել, որ դասարանները տաք լինեն: Մի վառարան էլ հատկացվել է ուսուցչանոցին:
«Առավոտյան 7.30-ին վառարանները վառել ենք, որպեսզի երեխան գա ու չմրսի: Հետևողական աշխատանք ենք տանում, որպեսզի վառարանները նորմալ վառվեն, իհարկե՝ պահպանելով անվտանգության կանոնները»,- Արցախի Հանրային հեռուստաընկերությանն ասել է Ստեփանակերտի թիվ 7 հիմնական դպրոցի տնօրեն Անահիտ Պողոյանը։
Մայրաքաղաքի թիվ 3 միջնակարգ դպրոցի նախադպրոցական մասնաշենքի դասարանները հատկացվել են բարձր դասարանների աշակերտներին:
Գազամատակարարման խափանման կամ հովհարային անջատումների պայմաններում դասերը վերսկսելու որոշումը ճիշտ է համարում նաև ֆիզիկայի ուսուցչուհին: Աչքերը ծխից փոքր-ինչ կարմրել են, բայց է համոզված է, որ հակառակ դժվարություններին՝ պետք է դիմակայել:
«Ճիշտ է՝ անհարմարություններ կան, նստարանները չեն համապատասխանում աշակերտների հասակին, վառարանը ծուխ է առաջացնում, բայց երեխաները եկել են և ուզում են սովորել: Ընդհանրապես, երեխաները սիրում են դպրոցը, կարծում եմ՝ ամեն ինչ լավ կլինի»,- ասում է ֆիզիկայի ուսուցչուհին։
Խնդիրների մասին խոսելիս դպրոցի տնօրենը նշում է վառելանյութի որակը: Ոչ թե ձմռանն ընդառաջ են փայտը պահեստավորել, այլ ստացել են ու բերել դասասենյակ, իսկ թաց փայտը դժվար է վառվում և լրացուցիչ դժվարությունններ, անհարմարություններ ստեղծում:
Մանրամասները՝ տեսանյութում։
