09.10.2026 | 11:22
Կլիչկոն Կիևի բնակիչներին խորհուրդ է տվել ժամանակավորապես հեռանալ քաղաքից
Թուրքիայում երկրաշարժից հետո թալանի համար 57 անձ է կալանավորվել․ սեփականատերերը դատարկում են իրենց խանութները
Քաղաքականություն
13.02.2023 | 15:51
Թուրքիայի արդարադատության նախարար Բեքիր Բոզդաղը հայտարարել է, որ 57 մարդ է կալանավորվել երկրաշարժից հետո թալանի համար։ Միաժամանակ, Անթաքիայի ձեռնարկատերերը դատարկում են իրենց խանութները՝ կանխելու ապրանքների կողոպուտը, գրում է Gercek News-ը։
Հիշեցնենք, որ Թուրքիայում երկու հզոր երկրաշարժերից հետո զոհերի ու վիրավորների թիվը շարունակում է աճել։
Անթաքիայում այլ քաղաքներից մեկնած բնակիչներն ու բուժաշխատողները հայտնել են անվտանգության իրավիճակի վատթարացման և խանութների ու փլուզված տների թալանի մասին: Երկրաշարժի հետևանքով անօթևան մնացած որոշ բնակիչներ, որոնք այժմ քնում են իրենց մեքենաներում կամ վրաններում, հայտնել են, որ գողացել են իրենց արժեքավոր իրերը, այդ թվում՝ ոսկին։
Reuters-ի թղթակիցն էլ տեսել է մի քանի խանութի սեփականատերերի, որոնք ապրանքը տեղավորել են արկղերի մեջ՝ չիմանալով, սակայն, ուր են տեղափոխելու:
«Մեր խանութն ավերակ է։ Խաբեբաներն ու գողերը թալանել են այն։ Նրանք տարել են այն, ինչ կարողացել են»,- պատմել է էլեկտրոնիկայի խանութի սեփականատեր Յուքսել Ուզունը։
Էմմա Չոբանյան
