27.06.2026 | 20:57
Էդուարդ Սպերցյանը կտեղափոխվի Սաուդյան Արաբիա. աղբյուր
ԱՄՆ ռազմածովային ուժերը և ծովային հետևակային կորպուսը զորավարժություններ են սկսել Հարավչինական ծովում
Քաղաքականություն
13.02.2023 | 16:35
ԱՄՆ ռազմածովային ուժերն ու ծովային հետևակային կորպուսը վարժանքներ են սկսել Հարավչինական ծովում։ Այս մասին հայտնել է Associated Press (AP) գործակալությունը՝ վկայակոչելով ԱՄՆ յոթերորդ նավատորմի հայտարարությունը։
Զորավարժություններին մասնակցում է ավիակիր հարվածային խումբը՝ «Nimitz» ավիակրի և ծովային հետևակայինների 13-րդ արշավախմբի գլխավորությամբ։ Ամերիկյան հրամանատարությունը, սակայն, չի հստակեցրել, թե երբ են սկսվել վարժանքները։
AP-ն հիշեցնում է, որ թեև զորավարժությունները նախապես ծրագրված էին, սակայն դրանք սկսվել են Միացյալ Նահանգների և Չինաստանի միջև աճող լարվածության ֆոնին, որն առաջացել է ամերիկյան տարածքի վրայով աերոստատների թռիչքների և Վաշինգտոնի ու Ֆիլիպինների միջև ռազմական համագործակցության ամրապնդման հետևանքով:
Տաթև Ֆռանգյան
