13.12.2024 | 19:00
Օղակը սեղմվում է Իրանի շուրջ․ ՀՀ-ի համար սարսափելի հետևանքներ կարող է ունենալ սա․ Սուրեն Պետրոսյան․ ՏԵՍԱՆՅՈՒԹ
Հայ փրկարարներին Թուրքիայում հաջողվել է փլատակներից երեք մարդու դուրս բերել
Քաղաքականություն
13.02.2023 | 14:21
Թուրքիայում ավերիչ երկրաշարժիչ տուժած Ադըյամանում շարունակում է աշխատել Հայաստանից մեկնած որոնողափրկարարական խումբը։ Ընդհանուր առմամբ, հայ փրկարարներին մինչ օրս հաջողվել է 3 մարդու փրկել փլատակների տակից։ Այս մասին հայտնում է Ստամբուլի հայկական «Մարմարա» օրաթերթը թվիթերյան իր էջում։
Լրատվականի հետ զրույցում Ադըյամանում աշխատող հայկական 27 հոգանոց թիմի ղեկավար Հայկ Նաղդալյանը նշել է, որ շաբաթ և կիրակի օրերին փրկել են 8-ամյա աղջկա, 25 և 31-ամյա երկու կնոջ: Հայկական թիմը, որի աշխատանքը կավարտվի վաղը, ընդհանուր 6 ավերակներից դուրս է բերել նաև 9 դի։
Հիշեցնենք, որ նախօրեին Թուրքիայի խորհրդարանի հայազգի պատգամավոր Կարո Փայլանը հայտնել էր, որ հայ, թուրք և ամերիկացի փրկարարների շնորհիվ փլատակներից երկու աղջնակ է դուրս բերվել։ Նրանք 7 օր մնացել են փլատակների տակ ու հրաշքով փրկվել։
Էմմա Չոբանյան
