14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Հունաստանի ԱԳ նախարարը կայցելի Թուրքիա և կհանդիպի թուրք գործընկերոջը աղետի գոտում
Քաղաքականություն
12.02.2023 | 11:43
Հունաստանի արտգործնախարար Նիկոս Դենդիասը կիրակի կայցելի Թուրքիա, որտեղ կհանդիպի իր թուրք գործընկեր Մևլութ Չավուշօղլուի և երկրաշարժի գոտում աշխատող հույն փրկարարների հետ։ Այս մասին գրում է ՏԱՍՍ-ը։
«Այցի ընթացքում արտգործնախարարը, որին կուղեկցի իր թուրք գործընկեր Մևլութ Չավուշօղլուն, կհանդիպի Հունաստանի փրկարարական թիմի անդամների հետ, որոնք գործում են վերջին երկրաշարժերից աղետալի վնասներ կրած տարածքներում: Դենդիասը կայցելի նաև Անթաքիայի օպերատիվ կենտրոն։ Նրան կտեղեկացնեն վերջին զարգացումների մասին՝ կապված փլատակների տակից մարդկանց փրկելու ջանքերի, ինչպես նաև՝ հումանիտար օգնության առաջացող կարիքների հետ»,- ասված է Հունաստանի ԱԳՆ հաղորդագրության մեջ։
Նախարարության մամուլի ծառայությունը նշել է, որ «այցի ընթացքում կդիտարկվեն նաև Հունաստանի կողմից երկրաշարժերի ավերիչ հետևանքների հաղթահարման հարցում հետագա օգնության ուղիները»։
Նշվում է նաև, որ Հունաստանի արտգործնախարարը ՄԱԿ-ում Հունաստանի մշտական ներկայացուցչությանը հանձնարարել է միջոցներ ձեռնարկել Թուրքիային և Սիրիային շտապ հումանիտար օգնություն տրամադրելու համար։
