09.10.2026 | 13:34
Էդգար Ղազարյանը չորս օրով չվճարվող արձակուրդ է վերցրել
«Համմեր»-ի վարորդն Արարատից է
Հասարակություն
11.02.2023 | 01:40
Factor.am-ի տեղեկություններով Հանրապետության հրապարակում կրակոցներ արձակած տղամարդն Արարատից է։ Վերջինս, «Համմեր» մակնիշի ավտոմեքենան փակուղում կանգնեցնելուց հետո դիմել է փախուստի։ Ոստիկանները շարունակում են նրան գտնելու ուղղությամբ աշխատանքները։
Ավելի վաղ Ոստիկանության լրատվական ծառայությունը հաղորդագրություն էր տարածել տեղի ունեցած միջադեպի վերաբերյալ: Դրանում, մասնավորապես, նշվում է.
«Փետրվարի 10-ին՝ ժամը 23-ի սահմաններում, Երևանի կենտրոնում «Համեր» մակնիշի մեքենայի վարորդը կոպիտ կերպով խախտել է ճանապարհային երթևեկության կանոնները, չի ենթարկվել պարեկների օրինական պահանջներին, մեքենան վարել է ոստիկանների և քաղաքացիների ուղղությամբ, նրանց կյանքի և առողջության համար վտանգավոր գործողություններ կատարել:
Մեքենայի ընթացքը կանգնեցնելու նպատակով գործադրվել է հրազեն անվադողերի ուղղությամբ:
Ճշտվել է վարորդի ինքնությունը, ձեռնարկվում են համապատասխան միջոցառումներ:
Կտրվի լրացուցիչ տեղեկատվություն»:
