28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
«Համեր» մեքենայի վարորդի ինքնությունը ճշտվել է. Ոստիկանությունը մանրամասներ է ներկայացնում
Հասարակություն
11.02.2023 | 00:34
Ոստիկանության լրատվական ծառայությունը հաղորդագրություն է տարածել Հանրապետության հրապարակում տեղի ունեցած միջադեպի վերաբերյալ: Դրանում, մասնավորապեո, նշվում է.
«Փետրվարի 10-ին՝ ժամը 23-ի սահմաններում, Երևանի կենտրոնում «Համեր» մակնիշի մեքենայի վարորդը կոպիտ կերպով խախտել է ճանապարհային երթևեկության կանոնները, չի ենթարկվել պարեկների օրինական պահանջներին, մեքենան վարել է ոստիկանների և քաղաքացիների ուղղությամբ, նրանց կյանքի և առողջության համար վտանգավոր գործողություններ կատարել:
Մեքենայի ընթացքը կանգնեցնելու նպատակով գործադրվել է հրազեն անվադողերի ուղղությամբ:
Ճշտվել է վարորդի ինքնությունը, ձեռնարկվում են համապատասխան միջոցառումներ:
Կտրվի լրացուցիչ տեղեկատվություն»:
Factor.am-ի տեղեկություններով Հանրապետության հրապարակում կրակոցներ արձակած տղամարդը Գ․Ս․-ն է՝ Արարատի մարզից։ Վերջինս, «Համմեր» մակնիշի ավտոմեքենան փակուղում կանգնեցնելուց հետո դիմել է փախուստի։ Ոստիկանները շարունակում են նրան գտնելու ուղղությամբ աշխատանքները։
