08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՌԴ-ն զանգվածային հրթիռային հարձակում է սկսել․ պայթյուններ են գրանցվել Ուկրաինայի բազմաթիվ շրջաններում
Քաղաքականություն
10.02.2023 | 15:38
Պայթյունների ձայներ են լսվում Կրիվոյ Ռոգում, Պոլտավայում, Կիրովոգրադում և Խարկովի մարզերում, ինչպես նաև Կիևում։ Ուկրաինայի մայրաքաղաքում հակաօդային պաշտպանության համակարգ է գործում, բնակիչներին խնդրում են չլքել իրենց ապաստարանները։ Այս մասին հայտնել են ուկրաինական լրատվամիջոցների թղթակիցները տարբեր շրջաններից։
«Ուկրէնեգո»-ի տվյալներով՝ հարվածներ են հասցվել Ուկրաինայի արևելյան, արևմտյան և հարավային շրջաններում գտնվող մի քանի էներգետիկ օբյեկտներին։ Այդ պատճառով որոշ հատվածներում էլեկտրաէներգիայի անջատումներ են գրանցվել, հայտնում են էներգետիկները։ Մարզերում լուրջ հետևանքների ռիսկերը նվազագույնի հասցնելու համար վթարային անջատումներ են իրականացվել։
Կիևի բնակիչները նույնպես հայտնել են քաղաքում պայթյունների ձայների մասին։
«Կիևում ՀՕՊ-ը լայնածավալ աշխատանք է իրականացնում»,- Twitter-ում գրել է Գերագույն Ռադայի պատգամավոր Լեսյա Վասիլենկոն:
Բրիտանական Guardian-ի թղթակից Լյուկ Հարդինգը նույնպես ՀՕՊ համակարգերի աշխատանքին նմանվող ձայների մասին է գրել։
Կիևի քաղաքապետ Վիտալի Կլիչկոն էլ հայտնել է, որ քաղաքի Գոլոսեևսկի թաղամասում հրթիռի բեկորները վնասել են ավտոմեքենա և առանձնատան տանիք։
«Հրթիռային հարձակումը շարունակվում է։ Մնացեք ապաստարաններում»,- հորդորել է քաղաքապետը։
Explosions in Kyiv now. Sounds like air defence. Black puff of smoke in the distance. No sound of impact pic.twitter.com/yT9V2THmki
— Luke Harding (@lukeharding1968) February 10, 2023
Տաթև Ֆռանգյան
