18.12.2025 | 11:00
Կառավարության նիստը՝ ՈՒՂԻՂ
Ռուսական հրթիռները հատել են ՆԱՏՕ-ի օդային տարածքը․ Զալուժնի
Քաղաքականություն
10.02.2023 | 14:15
Ուկրաինայի տարածքով ռուսական զորքերի կողմից արձակված «Կալիբր» թևավոր հրթիռները թռիչքի ժամանակ մտել են ՆԱՏՕ-ի անդամ Ռումինիայի և Մոլդովայի օդային տարածք։ Այս մասին հայտարարել է Ուկրաինայի Զինված ուժերի գլխավոր հրամանատար Վալերի Զալուժնին, գրում է BBC-ի ռուսական ծառայությունը։
Նրա խոսքով՝ հրթիռներն արձակվել են Սև ծովից։
«Այսօր՝ փետրվարի 11-ին, ժամը 10:18-ին երկու ռուսական «Կալիբր» թևավոր հրթիռներ հատել են Ուկրաինայի պետական սահմանը Մոլդովայի Հանրապետության հետ, մոտավորապես ժամը 10:33-ին այդ հրթիռները հատել են Ռումինիայի օդային տարածքը։ Դրանից հետո կրկին մտել են Ուկրաինայի օդային տարածք՝ երեք երկրների սահմանների հատման կետում»,- գրել է Զալուժնին իր տելեգրամյան ալիքում։
Մոլդովայի ՊՆ-ն արդեն հաստատել է, որ հրթիռը, որը շարժվել է Ուկրաինայի ուղղությամբ, անցել է երկրի տարածքով։ Հաղորդվում է, որ Քիշնևում ՌԴ դեսպանը կանչվել է երկրի ԱԳՆ։
Էմմա Չոբանյան
