08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուսաստանը կրճատում է նավթի օրական արդյունահանումը
Քաղաքականություն
10.02.2023 | 20:10
Ռուսաստանը մարտին նվազեցնում է նավթի արդյունահանումը օրական 500 հազար բարելով։ Այս մասին հայտարարել է ՌԴ փոխվարչապետ Ալեքսանդր Նովակը, գրում է Վեդոմոստին։
Նրա խոսքով՝ այս քայլը կնպաստի շուկայական հարաբերությունների վերականգնմանը։
«Ռուսաստանը մարտին կամավոր կնվազեցնի արդյունահանումը օրական 500 հազար բարելով: Սա կնպաստի շուկայական հարաբերությունների վերականգնմանը»,- ասել է Նովակը։
Պաշտոնյան նաև հայտնել է, որ Ռուսաստանում նավթի արդյունահանման նվազման ռիսկերը 2023 թվականին պահպանվում են, և կառավարությունն առաջիկայում դա գնահատելու է։
Ավելի վաղ Ալեքսանդր Նովակը նշել էր, որ չնայած հունվարին սահմանված էմբարգոյին՝ Ռուսաստանը կարողացել է նավթի արդյունահանման մակարդակը պահպանել 2022 թվականի նոյեմբեր-դեկտեմբերի մակարդակին, այն կազմել է օրական մոտավորապես 9,8-9,9 մլն բարել։ Նրա խոսքով՝ ռուսական նավթարդյունաբերությունը կշարունակի կայուն աշխատել։
Հիշեցնենք, որ 2022 թվականի դեկտեմբերի 5-ից ուժի մեջ է մտել G7-ի երկրների և ԵՄ-ի կողմից սահմանված նավթի գնի շեմը, որը 60 դոլարի սահմաններում է:
Էմմա Չոբանյան
