Ծավալուն փոփոխություններ աշխատանքային օրենսգրքում․ՈՒՂԻՂ

Աշխատանքի և սոցիալական հարցերի նախարարության նախաձեռնել է ծավալուն փոփոխություններ ՀՀ աշխատանքային օրենսգրքում: Օրենսգրքի 266 հոդվածից փոփոխվելու է 122-ը։ Նախագիծն արժանացել է կառավարության հավանությանը:

Նախարարությունից հավաստիացնում են, որ նախատեսվող փոփոխությունները նպատակ ունեն կարգավորել աշխատողների և գործատուների իրավահարաբերությունները, լուծել իրավակիրառ պրակտիկայից բխող խնդիրներն ու օրենսգրքի կարգավորումները հնարավորինս համապատասխանեցնել Հայաստանի ստանձնած միջազգային պարտավորություններին։

Մասնավորապես նոր փոփոխություններով առաջարկվում է վերանայել գործատուի նախաձեռնությամբ աշխատանքային պայմանագրի լուծման, ինչպես նաև հանել կենսաթոշակային տարիքը լրանալու կապակցությամբ աշխատանքային պայմանագրի լուծման հիմքերը: Բացի այդ աշխատողների քանակի և (կամ) հաստիքների կրճատման դեպքում աշխատանքում մնալու նախապատվության իրավունք է նախատեսվում սահմանել հաշմանդամության կենսաթոշակի իրավունք ունեցող նախկին զինծառայողի:

Հստակեցվում են աշխատողին ամենամյա արձակուրդ տրամադրելու հետ կապված հարցերը և մի շարք այլ փոփոխություններ, որոնց մասին հագամանորեն կխոսենք փետրվարի 10-ին, ժամը 12:00-ին, «Հոդված 3» ակումբում «ԾԱՎԱԼՈՒՆ ՓՈՓՈԽՈՒԹՅՈՒՆՆԵՐ ԱՇԽԱՏԱՆՔԱՅԻՆ ՕՐԵՆՍԳՐՔՈՒՄ» թեմայով քննարկման ժամանակ:

Բանախոսներն են.
ՌՈՒԲԵՆ ՍԱՐԳՍՅԱՆ՝ ՀՀ Աշխատանքի եւ սոցիալական հարցերի նախարարի տեղակալ
ՀԵՐԻՔՆԱԶ ՏԻԳՐԱՆՅԱՆ՝ ՀՀ ԱԺ Աշխատանքի և սոցիալական հարցերի մշտական հանձնաժողովի նախագահ
ԷԼԵՆ ՄԱՆԱՍԵՐՅԱՆ՝ Հայաստանի արհմիությունների կոնֆեդերացիայի