08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիայում երկրաշարժի հետևանքով կորուստների թիվը գերազանցել է 18 000-ը
Քաղաքականություն
10.02.2023 | 12:00
Թուրքիայում երկրաշարժի զոհերի թիվը հասել է 18 342-ի, վիրավորներինը 74 242-ի, հայտնում է ՌԻԱ Նովոստին՝ հղում անելով Թուրքիայի Աղետների կառավարման վարչությանը (AFAD)։
Հիշեցնենք՝ Թուրքիայի Քահրամանմարաշ նահանգում փետրվարի 6-ի վաղ առավոտյան 7,7 մագնիտուդով երկրաշարժ էր տեղի ունեցել։ Էրդողանի գնահատմամբ՝ այն դարձել է ամենաուժեղը 1939 թվականից ի վեր։ Ավելի ուշ փորձագետները երեք տասնյակ հետցնցումներ են գրանցել, իսկ օրվա երկրորդ կեսին՝ նոր հզոր երկրաշարժ էր տեղի ունեցել 7,4 մագնիտուդով, որի էպիկենտրոնում ուգնությունը հասել էր 10-11 բալի։
Թուրքիայում յոթնօրյա համազգային սուգ է հայտարարվել, իսկ աղետից տուժած տասը նահանգներում երեք ամսով արտակարգ դրություն է մտցվել։
Երկրաշարժը հարվածել է նաև Սիրիային՝ Հալեպ, Լաթաքիա, Համա և Տարտուս նահանգներին։ Տեղի Առողջապահության նախարարության վերջին տվյալների համաձայն՝ 1347 մարդ է մահացել, ավելի քան 2000-ը՝ վիրավորվել։
Ըստ պաշտոնական տեղեկությունների՝ որոնողական աշխատանքներին մասնակցում է շուրջ 30 հազար փրկարար, այլ երկրների փրկարարական անձնակազմի թիվը 6 հազար 810 է։
