28.10.2026 | 11:11
Թրամփն ասել էր «compatriot»՝ գործընկեր, Քեմբրիջի բառարանն աչքի անցկացրեք». Բաղդասարյանը՝ Ղազարյանին․ ՏԵՍԱՆՅՈՒԹ
Սարգսյանը 3 ապօրինի հանք է գտել, ո՞նց կարելի է դրանց մասին չիմանալ. պատգամավորը դիմեց Հակակոռուպցիոն կոմիտեին․ ՏԵՍԱՆՅՈՒԹ
Քաղաքականություն
10.02.2023 | 11:14
ՀՀ ազգային ժողովում քննարկվում է «ՀՀ ընդերքի մասին օրենսգրքում լրացումներ կատարելու մասին» և «Վարչական իրավախախտումների վերաբերյալ օրենսգրքում լրացում կատարելու մասին» օրենսդրական փաթեթն առաջին ընթերցմամբ ընդունելու մասին հարցը։
ԱԺ տնտեսական հարցերի մշտական հանձնաժողովի անդամ Ծովինար Վարդանյանը ներկայացրեց հանձնաժողովի դրական եզրակացությունը:
«Քաղաքացիական պայմանագիր» խմբակցության պատգամավոր Արմեն Խաչատրյանը, ելույթ ունենալով, հայտնեց, որ, ըստ իր ստացած տեղեկությունների, Հայաստանում ավազի շուրջ 70 տոկոսն ապօրինի է արտահանվում և «սև շուկայում» է:
Պատգամավորի խոսքով՝ կա վիճակագրություն, որ արդյունաբերական բետոնի ծավալները տարեցտարի աճում են, օրինակ՝ 2021 թվականին աճել են 66 տոկոսով, բայց նվազել է ավազի արդյունահանումը, ինչը չի կարող այդպես լինել:
«Այստեղ գործ ունենք ավազի ապօրինի արդյունահանման հետ»,- նշեց Խաչատրյանը և ներկայացրեց ավազի ապօրինի արդյունահանման որոշ օրինակներ։
«Պատգամավոր Հայկ Սարգսյանը 3 ապօրինի հանք է գտել, ո՞նց կարելի է դրանց մասին չիմանալ»,- նշեց Խաչատրյանը և դիմեց ՀՀ հակակոռուպցիոն կոմիտեին, որպեսզի ուսումնասիրություններ կատարի և փարատի մտահոգող կասկածները:
Մանրամասները՝ տեսանյութում։
