27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
Վիգեն Սարգսյանին մեղադրանք է առաջադրվել․ Մեքսիկայի Սենատը ճանաչել է Հայոց ցեղասպանությունը․ Լուրեր
09.02.2023 | 19:00
- Մեղադրանք է առաջադրվել ՀՀ պաշտպանության նախկին նախարար Վիգեն Սարգսյանին. նրան կալանավորելու միջնորդություն է ներկայացվել դատարան։ Այս մասին հայտնել է գլխավոր դատախազությունը։ Հաղորդագրության համաձայն՝ Սարգսյանը խախտումներ է թույլ տվել զինծառայողներին բնակարանների տրամադրման ընթացակարգում։
- Բաքվի կողմից Լաչինի միջանցքը փակ պահելու հետևանքով Արցախի բոլոր բուժհաստատություններում պլանային վիրահատությունների դադարեցման պայմաններում մոտ 610 քաղաքացի զրկվել է վիրահատվելու միջոցով առողջական խնդիրների լուծման հնարավորությունից։
- Փետրվարի 8-ին Մեքսիկայի Սենատը ընդունել է փաստաթուղթ, որով ճանաչում է Հայոց ցեղասպանությունը՝ վկայակոչելով մարդու համընդհանուր իրավունքների պաշտպանության անհրաժեշտությունը․ տեղեկացնում են Մեքսիկայում ՀՀ դեսպանությունից։ Երկրի Սենատը հորդորում է Արտաքին հարաբերությունների քարտուղարությանը՝ աջակցել Մեքսիկայի կողմից Հայոց ցեղասպանության պաշտոնական ճանաչմանը։
Այս ժամի լուրերը՝ տեսանյութում։
