«Չափավորեք Ձեր խոսքերը»․ վիճաբանություն՝ Մամիջանյանի ու Կոնջորյանի միջև․ ՏԵՍԱՆՅՈՒԹ

«Պարոն Մամիջանյան, ես ձեզ հիշում եմ դեռևս 2011 թվականից, երբ դուք Երիտխորհրդարանում, մի պատանի աշխուժակ էիք»։ Մտքերի փոխանակման ժամին իր ելույթում նշեց ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը՝ անդրադառնալով «Պատիվ ունեմ» խմբակցության ղեկավար Հայկ Մամիջանյանի՝ իրեն ուղղված հայտարարություններին:

Մամիջանյանը տեղից արձագանքեց. «Չափավորե՛ք ձեր խոսքերը»:

Կոնջորյանը շարունակեց. «Աշխուժակի մեջ ի՞նչ կա, մի՛ լարվեք: Աշխուժակը նորմալ հայերեն բառ է, նշանակում է ակտիվիստ, պարո՛ն Մամիջնյան, մի՛ լարվեք: Հանգի՛ստ։ Բա գիտեք մենակ խոսելն է հե՞շտ, բա պիտի կարողանաք նաև լսել: Երբ թատերական արտիստիզմի տարբեր ժեստիկուլյացիաներով ժանգլյորություն եք անում, պիտի հետո կարողանաք լսել: Ես ձեզ հանգիստ լսում էի, առանց նյարդային աճպարարությունների:

Երբ որ գալիս էստեղ իմ մասին խոսում, եք, պատրաստ եղել լսել նաև ձեր մասին:
Երկրորդ բանը, որ ձեր մասին հիշում եմ, էն է, որ այս տարածաշրջանում «Արմեն Աշոտյան» դառնալու չեմպիոնության մեջ դուք բոլորին հաղթում եք: Մարդ, որը միշտ իմ մեջ տպավորվել է հետևյալ կերպ, որի կյանքի նպատակն է դառնալ «Արմեն Աշոտյան»: Ե
Եվ թե հետո ինչ պետք է լինի, չեմ կարող ասել»,- նշեց Կոնջորյանը:

Նիստը վարող ԱԺ փոխնախագահ Ռուբեն Ռուբինյանը պատգամավորներին հորդորեց զերծ մնալ միմյանց անձը քննադատելուց. «Այժմ բոլորս տեսանք, որ լավ բան չի ստացվում, երբ պատգամավորները սկսում են միմյանց անձը քննադատել: Ես առաջարկում եմ բոլորս ձեռնպահ մնանք դրանից: Եկեք պայմանավորվենք, որովհետև այստեղ կարծես թե, ոչ մեկն էլ սուրբ չէ, բացի, ինձնից, իհարկե»:

Մանրամասները՝ տեսանյութում։