14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
ՌԴ-ի, Հայաստանի և Ադրբեջանի ԱԳ նախարարների հանդիպման կազմակերպման գաղափարը մշակվում է․ ՌԴ ԱԳ փոխնախարար
Քաղաքականություն
09.02.2023 | 15:07
Տարածաշրջանում իրավիճակը կայունացնելու նպատակով Ռուսաստանի, Հայաստանի և Ադրբեջանի արտաքին քաղաքական գերատեսչությունների ղեկավարներ Սերգեյ Լավրովի, Արարատ Միրզոյանի և Ջեյհուն Բայրամովի եռակողմ հանդիպման անցկացման գաղափարը մշակվում է։ Այս մասին լրագրողներին ասել է ՌԴ փոխարտգործնախարար Սերգեյ Ռյաբկովը, գրում է ՏԱՍՍ-ը։
«Այդ հարցը մշակվում է։ Մենք այդ գաղափարից չենք հրաժարվում։ Մենք ցանկանում ենք առավելագույնս օգտագործել հարթակների ու ձևաչափի տրամադրման մեր ունեցած ռեսուրսները գործող համաձայնագրերի շրջանակում՝ դեպի կայունացում շարժվելու համար»,- ասել է Ռյաբկովը։
Հավելենք, որ երեք երկրների ԱԳ նախարարների վերջին եռակողմ հանդիպումը տեղի է ունեցել 2022 թվականին Աստանայում։
Էմմա Չոբանյան
