27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
ՆԱՏՕ-ի երկրներն արդեն 120 միլիարդ դոլարի օգնություն են տրամադրել Ուկրաինային
Քաղաքականություն
09.02.2023 | 15:55
ՆԱՏՕ-ի երկրներն արդեն շուրջ 120 միլիարդ դոլարի (112 միլիարդ եվրո) ռազմական, հումանիտար և ֆինանսական օգնություն են տրամադրել Ուկրաինային։ Նման տվյալներ է ներկայացրել Հյուսիսատլանտյան դաշինքի գլխավոր քարտուղար Յենս Ստոլտենբերգը՝ ԱՄՆ պետքարտուղար Էնթոնի Բլինքենի հետ Վաշինգտոնում կայացած համատեղ ասուլիսում։
Գրեթե մեկ տարի առաջ Ռուսաստանի ագրեսիվ պատերազմի մեկնարկից ի վեր, ընդհանուր առմամբ, ՆԱՏՕ-ի 30 դաշնակիցներ աննախադեպ աջակցություն են ցուցաբերել Ուկրաինային, ասել է Ստոլտենբերգը՝ հավելելով, որ դրանում Միացյալ Նահանգներն «անփոխարինելի դեր» է խաղացել որպես ամենամեծ դաշնակից:
Եվրոպական դաշնակիցները և Կանադան նույնպես մեծացրել են օգնությունը․ միասին նրանք տրամադրել են ամբողջ աջակցության կեսից ավելին՝ տրամադրելով տանկեր, առաջադեմ հակաօդային պաշտպանության համակարգեր և այլ ռազմական տեխնիկա։
Բացի այդ, եվրոպական երկրներն ընդունել են գրեթե 5 միլիոն ուկրաինացի փախստականների, աննախադեպ պատժամիջոցներ են սահմանել և հրաժարվում են ՌԴ գազից և նավթից, շարունակել է Ստոլտենբերգը։ Նրա կարծիքով՝ նման գործողությունները ցույց են տալիս, թե «որքան շատ կարող են անել», երբ Եվրոպան և Հյուսիսային Ամերիկան «ուս ուսի կանգնած են»։
Տաթև Ֆռանգյան
