15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
ՌԴ-ն սպառնում է ՀՀ-ին՝ թուրքերը ձեզ կուտեն, չենք օգնի․ արթնացնում են ստոքհոլմյան սինդրոմը․ Արփի Թոփչյան. ՏԵՍԱՆՅՈՒԹ
Քաղաքականություն
08.02.2023 | 19:32
Այսօր պարզ դարձավ, որ Մոսկվան դեմ է ԼՂ-ում ռուս խաղաղապահներին միջազգային մանդատ տալու՝ Նիկոլ Փաշինյանի առաջարկին։ ՌԴ ԱԳՆ-ն պնդել է, թե ԼՂ-ում կայունության պահպանման միակ երաշխավորը ՌԴ խաղաղապահներն են, որին պետք չէ ՄԱԿ-ի մանդատ, քանի որ նոյեմբերի 9-ի հայտարարությամբ հստակ ամրագրված են խաղաղապահների գործունեության եղանակները։
«Այդ կապակցությամբ վեճի մասնակիցների միջև կա կոնսենսուս, և այդ փաստն այստեղ առանցքային է»,- նշել է ՌԴ ԱԳՆ-ն։
Բայց իրականում Ադրբեջանը հրաժարվել է ստորագրել ԼՂ-ում խաղաղապահ զորախմբի գործունեության մանդատը, Հայաստանն այն ստորագրել է 2020-ի նոյեմբերի 9-ից կարճ ժամանակ անց։ Ինչո՞ւ Մոսկվան մերժեց ՀՀ-ի առաջարկը։
Factor TV-ին տված հարցազրույցում «Բերդ» ՀԿ անդամ, հանրային գործիչ Արփի Թոփչյանն ասում է, որ այս քայլը պետք է դիտարկել այն համատեքստում, որ Մոսկվան հրաժարվել է դիվանագիտական բառապաշարից, ինչի վկայությունն են Լավրովի վերջին աղմկհարույց հայտարարությունները և ՌԴ ԱԳՆ-ի արձագանքը ԵՄ-ի դիտորդների վերաբերյալ․ «Ուղիղ տեքստով սպառնալիքներ հնչեցին թե՛ եվրոպական առաքելության հասցեին, թե՛ ՀՀ-ի հասցեին, որ աշխարհաքաղաքական վեկտորի փոփոխության ցանկացած փորձ կբերի համարժեք կոշտ ազդեցության։ Ինչո՞ւ հիմա և այս պահին՝ դա այդ քաղաքականության շարունակությունն է։ Երբ հարց է բարձրացվում Քարագլխում ռուսական ուժերի անգործության, Լաչինի միջանցքի փակման առաջին օրերին ռուսական անգործության վերաբերյալ, բազմաթիվ փորձագետների և վերլուծաբանների բերանով Մոսկվան նշում է, որ ռուսական խաղաղապահները չունեն միջազգային մանդատ, և որ մանդատ տալն ավելի ազատ կդարձնի ռուսական ռազմական ներկայության ձեռքերը և կօգնի լուծել խնդիրները»։
Արփի Թոփչյանը հիշեցրեց Արցախի իշխանությունների՝ Փարիզ այցելած ԼՂ նախագահ Արայիկ Հարությունյանի և պետնախարար Ռուբեն Վարդանյանի պնդումները ռուսական խաղաղապահներին մանդատ տալու վերաբերյալ։ Դա, ըստ նրա, Մոսկվայի գիտությամբ էր արվում, սակայն պրոցեսը տապալվեց։
«Որովհետև Արցախի հանդեպ Ադրբեջանն իրականացնում է ահաբեկչություն՝ Թուրքիայի և ՌԴ-ի անմիջական օժանդակությամբ։ Անկախ դրանից՝ Արևմուտքը հստակ հասկացնել է տալիս, որ ռուսական ռազմական ներկայությունը չի ստանալու խաղաղապահի մանդատ։ Իսկ ՄԱԿ-ի մանդատն Արևմուտքի մասնակցությունն է Արցախում կատարվող պրոցեսներին»,- ասաց Արփի Թոփչյանը։
Հարցազրույցն ամբողջությամբ՝ տեսանյութում։
Ռոբերտ Անանյան
