Վարչապետ Փաշինյանն է որոշում՝ ով է անմեղ ու մեղավոր․ Նորայր Նորիկյան․ ՏԵՍԱՆՅՈՒԹ

«Դեպքից հետո տպավորություն ունեի, որ գործ ունենք արտակարգ դատարանի հետ, որ ՀՀ կառավարության նիստում իրականացվում է արդարադատություն, վարչապետ Փաշինյանը որոշում է՝ ով է մեղավոր, ով է անմեղ, ինչ է տեղի ունեցել, ինչ կա պարզելու, ինչ չկա պարզելու»,- այս մասին այսօր հրավիրված մամուլի ասուլիսի ժամանակ ասաց Գեղարքունիքի մարզի Ազատ գյուղում ինժեներասակրավորական վաշտի կացարանում բռնկված հրդեհի հետևանքով մահացած 15 զինծառայողներից 13-ի մերձավոր ազգականների լիազոր ներկայացուցիչ, փաստաբան Նորայր Նորիկյանը՝ հավելելով, որ ա թերահավատություն և խոր անվստահություն կառավարության կողմից շրջանառության մեջ դրված վարկածի նկատմամբ։

Նշենք, որ քիչ առաջ փաստաբանը նշել էր, որ դեպքից հետո կառավարության նիստի ընթացքում վարչապետ Նիկոլ Փաշինյանը հանդես էր գալիս միաժամանակ և՛ մեղադրողի, և՛ դատավորի դիրքերից, ներկայացնում՝ ովքեր են մեղավոր, ովքեր պետք է պատասխան տան՝ հանրությանը ներկայացնելով ողբերգական ինչ-որ վարկած:

«Մեր խնդիրն է վարույթն իրականացնող մարմնին պարտադրել օրենքի շրջանակներում (համապատասխան հարցումներ կարվեն, միջնորդություններ կներկայցվեն, ապացույցներ և ցուցմունքներ կներկայացվեն, եթե այդպիսիք լինեն), որ ոչ միայն այլ վարկածներ չբացառի, այլ նաև ճիշտ վարկածի հետքի վրա դուրս գա և իրական հանցագործությունը բացահայտի։

Մենք չենք սահմանափակվելու կառավարության նիստում շրջանառության մեջ դրված վարկածով։
Որպես քաղաքացի՝ պահանջում եմ, որ մեր կառավարությունը և պաշտոնատար անձինք գործեն իրենց սահմանադրական լիազորությունների շրջանակներում»,- նշեց փաստաբանը։

Մանրամասները՝ տեսանյութում։