13.09.2026 | 15:08
Tour of Armenia-ի եզրափակիչ՝ չորրորդ մրցափուլը Երևանում
Հայ փրկարարները Թուրքիայի Ադըյամանում սկսել են աշխատանքները
Քաղաքականություն
08.02.2023 | 14:54
Հայաստանից Թուրքիա մեկնած փրկարարների խումբն Ադըյամանում սկսել է աշխատանքները։ Այս մասին հայտնում է Թուրքիայի խորհրդարանի քրդամետ Ժողովուրդների դեմոկրատական կուսակցության հայազգի պատգամավոր Կարո Փայլանը։
«Ադըյամանում աշխատում է Հայաստանի որոնողափրկարարական խումբը։ Խնդրում եմ՝ կիսվեք Ադըյամանի փլատակներից եկող հասցեներով»,- գրել է նա թվիթերյան իր էջում։
Հավելենք, որ նախօրեին Հայաստանից որոնողափրկարարական խումբ է մեկնել Սիրիա և Թուրքիա՝ ավերիչ երկրաշարժից տուժածներին օգնելու նպատակով։ Հայաստանը Թուրքիա է ուղարկել 27, իսկ Սիրիա՝ 29 փրկարար:
Նախօրեին ՀՀ վարչապետ Նիկոլ Փաշինյանը զանգահարել էր Թուրքիայի և Սիրիայի ղեկավարներ Ռեջեփ Թայիփ Էրդողանին ու Բաշար Ասադին, ցավակցել երկրաշարժի հետևանքով զոհերի կապակցությամբ։
Էմմա Չոբանյան
