09.10.2026 | 09:34
Փաշինյանն ու Փեզեշքիանը քննարկել են Հայաստան–Իրան հարաբերությունների զարգացումն ու նոր ծրագրերը
Կարևոր է, որ Հարավային Կովկասի երկրները միասին աշխատեն․ Տոյվո Կլաար
Քաղաքականություն
08.02.2023 | 15:13
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը վրացական Առաջին ալիքին տված հարցազրույցում խոսել է Հայաստան-Ադրբեջան հարաբերություններում Թբիլիսիի դերից։
«Վարչապետ Իրակլի Ղարիբաշվիլիի հետ հանդիպմանը մենք խոսել ենք նրա անձնական մասնակցության և փոխգործակցության մասին Հայաստանի նախագահի և վարչապետի հետ, ինչպես նաև նրա ցանկության մասին՝ միջնորդել Ադրբեջանի և Հայաստանի միջև մերձեցման հարցում։ Մենք սատարում ենք դրան»,- ասել է նա։
Կլաարը հույս է հայտնել, որ ապագայում Եվրամիության և Հարավային Կովկասի երեք երկրների միջև համագործակցությունն է՛լ ավելի կընդլայնվի և կսերտանա։
ԵՄ հատուկ ներկայացուցչի խոսքով՝ տարածաշրջանում խաղաղության և կայունության համար ողջունվում է Վրաստանի ցանկությունը՝ կամրջի դեր խաղալ հարևան երկրների՝ Ադրբեջանի և Հայաստանի միջև։
«Շատ կարևոր է, որ Հարավային Կովկասի բոլոր երեք երկրներն աշխատեն միասին ու նպաստեն խաղաղությանը, Վրաստանի դերը որպես կամուրջ Հայաստանի ու Ադրբեջանի միջև շատ կարևոր է։ Մենք վարչապետի հետ քննարկել ենք այդ ուղղությամբ ձեռնարկված քայլերը, և հուսով եմ, որ ապագայում ԵՄ-ի և Վրաստանի միջև այդ ուղղությամբ համագործակցությունը, ԵՄ-ի և Հարավային Կովկասի երեք պետությունների միջև է՛լ ավելի սերտ կլինի»,- ասել է Տոյվո Կլաարը։
Էմմա Չոբանյան
