14.09.2026 | 18:49
Ահազանգից երկու օր անց խոշտանգման ենթադրյալ դեպքի առթիվ վարույթ չի նախաձեռնվել. Խաժակ Թովմասյանը հաղորդում է ներկայացրել
Թուրքիայում երկրաշարժի հետևանքով զոհված հայերի թիվն աճում է․ փլատակների տակ մնացածներ կան
Քաղաքականություն
08.02.2023 | 16:01
Թուրքիայի 10 քաղաքներում երկրաշարժերի հետևանքով հայ համայնքի շրջանում զոհերի թիվն աճում է։ Ավելի վաղ հայտնի էր դարձել Մալաթիայում երեք զոհվածի մասին, որոնք նույն ընտանիքի անդամներ են։
Արևելք պարբերականն էլ հայտնում է, որ զոհվել է Թուրքիայում ապրող հայ երաժիշտ, ուդահար Ստեփան Եփրեմյանի եղբայրը՝ Սամվելը։ Լուրը հայտնել է Տիգրանակերտում ապրող երաժիշտ Ուդի Երվանդը։ Նա նախօրեին նաև հայտնել էր, որ տիգրանակերտցի երգչուհի Զիլան Տիգրիսն ու նրա ամուսինը մնացել են փլատակների տակ, նրանցից, ինչպես նաև փլատակների տակ մնացած մի շարք այլ հայ ընտանիքներից դեռևս լուր չկա:
Հայազգի լրագրող Արիս Նալճըն իր հերթին է հայտնել Իսկենդերուն քաղաքում փլատակների տակ մնացած հայերի մասին։
«Արմիկ Բալըքյան, Մեսրոպ Բալըքյան, Թշխուն Բալըքյան, լուր չկա։ Ով տեղյակ է, խնդրում եմ ինձ հայտնի»,- գրել է նա թվիթերյան իր էջում։
Էմմա Չոբանյան
