16.11.2024 | 18:19
ԵՊՀ-ի բակից մեկնարկել է «Համախմբենք ուժերը՝ կանխենք կոռուպցիան» համապետական արշավը
Վարույթն իրականացնող մարմինն արդյոք այլ վարկած քննո՞ւմ է. Նորիկյան․ ՏԵՍԱՆՅՈՒԹ
Հասարակություն
08.02.2023 | 14:02
Արդյո՞ք այս ողբերգությունը նաև ոչ ֆորմալ ինստիտուտների գոյության հետևանք չէ։ Վարույթն իրականացնող մարմինն իսկապե՞ս բացառում է դիվերսիան։ Ի՞նչ է իրականում տեղի ունեցել այդ կացարանում դեպքին նախորդող ժամանակահատվածում։ Սրանք շատ կարևոր հարցեր են․ հետամուտ ենք լինելու՝ պարզելու, թե ինչ է տեղի ունեցել, զինվորների և սպաների միջև լարվածություն է եղել, թե ոչ, ենթադրյալ լարվածության, երեխաների պարտականությունների և այս ողբերգության միջև պատճառահետևանքային կապ կա, թե ոչ։ Այս մասին այսօր հրավիրված մամուլի ասուլիսի ժամանակ ասաց Գեղարքունիքի մարզի Ազատ գյուղում ինժեներասակրավորական վաշտի կացարանում բռնկված հրդեհի հետևանքով մահացած 15 զինծառայողներից 13-ի մերձավոր ազգականների լիազոր ներկայացուցիչ, փաստաբան Նորայր Նորիկյանը։
«Հրդեհն իսկապե՞ս պաշտոնական անփութության և հակահրդեհային կանոնները խախտելու հետևանք է, թե՞ ավելի ծանր հանցագործությունը թաքցնելու միջոց։ Քանի դեռ այս հարցի պատասխանը չկա, մենք չենք կարող փարատել զոհվածների հարազատների և հասարակության կասկածանքն ու մտահոգությունները։ Պետք է պատշաճ պարզաբանումներ ներկայացվեն։
Ի՞նչ է նշանակում, որ դեպքից մեկ օր հետո բարձրաստիճան սպայի կողմից հանրությանը ներկայացվում է մի տեղեկություն, 17 օր հետո հերքվում է այն՝ ասելով՝ նա այլ ընկալում, այլ տեղեկատվություն է ունեցել,- նշեց փաստաբանը՝ կարծիք հայտնելով, որ այս ամենը փնթի և անարդյունավետ կառավարման հետևանք է»։
Մանրամասները՝ տեսանյութում։
