06.10.2026 | 22:22
ՆԳՆ շրջիկ սպասարկման գրասենյակները ծառայություններ կմատուցեն Կոտայքի և Գեղարքունիքի մարզերում
Միրզոյանին արձագանքել են Բաքվից․ Արցախում բնակարանաշինությունը կանգնել է Լաչինի փակումից հետո․ Լուրեր
Քաղաքականություն
08.02.2023 | 13:30
- Ֆրանսիական մամուլը գրել է, որ փետրվարի 6-ին Հայաստանի վարչապետ Նիկոլ Փաշինյանի հետ հեռախոսազրույցում Ֆրանսիայի նախագահ Էմանուել Մակրոնը հաստատել է իր «լիակատար հավատարմությունը Հայաստանի անվտանգությանը՝ առաջնահերթություն համարելով ադրբեջանցիների կողմից Լեռնային Ղարաբաղի համար կենսական նշանակություն ունեցող ճանապարհի շրջափակման վերացումը»։
- Ադրբեջանի ԱԳՆ-ն արձագանքել է ՀՀ արտգործնախարար Արարատ Միրզոյանի երեկ արած հայտարարություններին, որ օրերս Ադրբեջանը պատասխանել է խաղաղության պայմանագրի մասին պաշտոնական Երևանի առաջարկներին։ Բաքվից պնդել, թե Ադրբեջանը պատասխանը ներկայացրել է ոչ թե օրերս, այլ 15 օր առաջ։
- ՌԴ ԱԳՆ միջազգային կազմակերպությունների դեպարտամենտի տնօրեն Պետր Իլյիչևը հայտարարել է, որ կարիք չկա Լեռնային Ղարաբաղում ռուս խաղաղապահներին ՄԱԿ-ի մանդատով օժտելու, և՛ Բաքուն, և՛ Երևանը համաձայն են նրանց աշխատանքի ձևաչափի հետ և աջակցում են դրան։
- Շրջափակման հետևանքով Արցախում անավարտ է մնացել հարյուրավոր բնակելի տների շինարարությունը: Այս մասին Արմենպրեսին հայտնել է Արցախի քաղաքաշինության նախարար Արամ Սարգսյանը։ Նրա խոսքով՝ Նախատեսված էր 2022 թվականի տարեվերջին շահագործման հանձնել 300 նոր բնակելի տուն: Սակայն քանի որ շինանյութերը և շինտեխնիկայի համար դիզվառելիքը այլևս չեն կարողանում ստանալ Հայաստանից, գործն ավարտին չեն կարողանում հասցնել։
Այս ժամի լուրերը՝ տեսանյութում։
