07.06.2026 | 10:12
Գարեգին Բ-ն քվեարկում է. ՈՒՂԻՂ
Հորդորում եմ գլխավոր դատախազին` վարչապետին չզեկուցել. Նորիկյան․ ՏԵՍԱՆՅՈՒԹ
Հասարակություն
08.02.2023 | 13:15
Զոհված զինծառայողների ծնողները չեն հավատում պաշտոնական վարկածին, չեն վստահում պետական իրավասու մարմինների կողմից արտահայտված որոշակի դիրքորոշումներին, ունեն մտահոգություն, որ փորձ է արվելու ծածկադմփոց անել այս գործը: Այս մասին այսօր հրավիրված ասուլիսում նշեց Ազատ գյուղում զորամասի կացարանի հրդեհի հետևանքով զոհված 15 զինծառայողներից 13-ի ծնողների լիազոր ներկայացուցիչ, փաստաբան Նորայր Նորիկյանը:
Փաստաբանը նշեց, որ դեպքից հետո կառավարության նիստից տպավորություն է ստացել, որ ի դեմս ՀՀ կառավարության գործ ունենք արտակարգ դատարանի հետ, որտեղ տեղի է ունենում դատավարություն, որի ընթացքում վարչապետ Նիկոլ Փաշինյանը հանդես էր գալիս միաժամանակ և՛ մեղադրողի, և՛ դատավորի դիրքերից, ներկայացնում՝ ովքեր են մեղավոր, ովքեր պետք է պատասխան տան՝ հանրությանը ներկայացնելով ողբերգական ինչ-որ վարկած:
«ՀՀ վարչապետը, անկախ անձից, որևէ իրավասություն չունի որևէ քրեական վարույթի վերաբերյալ որևէ կարծիք հայտնելու, որևէ տեղեկություն կամ վարկած շրջանառության մեջ դնելու, բացատրություններ ներկայացնելու կամ զեկույցներ ստանալու»,- նշեց Նորիկյանը: Փաստաբանի դիտարկմամբ՝ դա սահմանադրական կոպտագույն խախտում է։
Իրավաբանի խոսքով՝ Գլխավոր դատախազի իրավասությունների մեջ չկա որևէ դրույթ, որ նա պարտավոր է կամ իրավունք ունի զեկույցներ ներկայացնել որևէ քրեական վարույթի վերաբերյալ ՀՀ վարչապետին։
Փաստաբանը Գլխավոր դատախազին և ՔԿ նախագահին հորդորեց որևէ ձևով զեկույցներ, հաշվետվություններ չներկայացնել կառավարությանն ու վարչապետին՝ ընդգծելով․ «Այդ վարքագիծը Սահմանադրության խախտում է, և դրանով վտանգի տակ է դրվում արդարադատության իրականացումը»։
Մանրամասները՝ տեսանյութում։
