07.06.2026 | 10:12
Գարեգին Բ-ն քվեարկում է. ՈՒՂԻՂ
Դիմելու եմ ՊՆ, որպեսզի հանդիպեն ծնողների հետ. Նորայր Նորիկյան․ ՏԵՍԱՆՅՈՒԹ
Հասարակություն
08.02.2023 | 12:53
Փաստաբան Նորայր Նորիկյանը, որպես Գեղարքունիքի մարզի Ազատ գյուղում ինժեներասակրավորական վաշտի կացարանում բռնկված հրդեհի հետևանքով մահացած 15 զինծառայողներից 13-ի մերձավոր ազգականների լիազոր ներկայացուցիչ, այսօր հանդես եկավ մամուլի ասուլիսով:
Նրա խոսքով՝ նկատի ունենալով, որ իրավասու մարմինների ու պաշտոնատար առանձին անձանց կողմից վերջին օրերի ընթացքում տեղի ունեցած դեպքի առանձին հանգամանքների վերաբերյալ հրապարակվել են միմյանցից էապես տարբերվող ու հակասող տվյալներ, որոնց արդյունքում էլ ավելի է մեծացել տուժողների անվստահությունն իրականացվող քրեական վարույթի անաչառության նկատմամբ, ծնողները դիմել են իրեն։
Փաստաբանը նշեց, որ միջնորդություններ է ներկայացրել՝ նշանակված փորձաքննությունների մասին որոշումների հետ ծանոթանալու վերաբերյալ․ «Իմ ունեցած տեղեկություններով՝ մեր կողմից ներկայացված միջնորդությունները բավարարվել են»։
ՀՀ Պաշտպանության նախարարին և Զինվորական դադախազին գրավոր դիմում եմ ներկայացնելու, որպեսզի նրանք հանդիպեն տուժողների հետ և ներկայացնեն պարզաբանումներ՝ իրենց իրավասությունների շրջանակներում:»,- նշեց Նորիկյանը։
Փաստաբանը վստահեցրեց՝ այս քրեական վարույթի ընթացքում որևէ նախաքննական տվյալ չեն հրապարակելու, և ամեն ինչ անելու ենք, որ այս գործի բոլոր իրական հանգամանքները բացահայտվեն։
«Երխաների մահվան բուն պատճառը պարզ չէ, չկա դատաբժշկական փորձաքննության արդյունքը, չգիտենք, թե ինչից են մահացել զինվորը», -նշեց Նորիկյանը՝ կարծիք հայտնելով, որ անտերության, սոցիալական անապահովության և ոչ պրոֆեսիոնալիզմի հետևանք է տեղի ունեցածը։
Մանրամասները՝ տեսանյութում։
