07.06.2026 | 09:03
Հայաստանն ընտրում է. մեկնարկել է խորհրդարանական ընտրությունների քվեարկությունը․ ԼՈՒՍԱՆԿԱՐՆԵՐ
Պաշտոնական Բաքուն արձագանքել է Արարատ Միրզոյանի հայտարարություններին
Քաղաքականություն
08.02.2023 | 11:17
Ադրբեջանն արձագանքել է ՀՀ արտգործնախարար Արարատ Միրզոյանի երեկ արած հայտարարություններին։ Ադրբեջանական կողմին դուր չի եկել Միրզոյանի այն հայտարարությունը, թե Ադրբեջանն օրերս է արձագանքել ՀՀ-ի առաջարկներին։ Բաքվից նշել են, թե այդ առաջարկները, որոնց մասին նախօրեին հայտարարել է Արարատ Միրզոյանը, Ադրբեջանը ներկայացրել է ոչ թե օրերս, այլ 15 օր առաջ։ Այս մասին հայտնում են ադրբեջանական ԶԼՄ-ները։
Ըստ Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեի՝ «հայկական կողմը կրկին թույլ է տալիս մանիպուլյացիաներ խաղաղության պայմանագրի բանակցային գործընթացի հետ կապված և, ներկայանալով որպես կառուցողական կողմ, փորձում է մոլորության մեջ գցել միջազգային հանրությանը»։
«Ինչպես գիտեք, հայկական կողմն էր, որ, խախտելով խաղաղության պայմանագրի շուրջ բանակցային գործընթացի համաձայնեցված ընթացքը, անցյալ տարվա դեկտեմբերին հրաժարվեց բանակցել։ Սակայն այժմ խաղաղության համաձայնագրի շուրջ բանակցություններին վերադառնալու փոխարեն նա արհեստական խոչընդոտներ է ստեղծում գործընթացի համար։ Ադրբեջանն, ի տարբերություն Հայաստանի, հանդես է գալիս խաղաղության համաձայնագրի տեքստի շուրջ կարճ ժամանակում բանակցություններ վարելու օգտին և միշտ պատրաստ է դրան»,- հայտարարել է Հաջիզադեն։
Տաթև Ֆռանգյան
