29.11.2024 | 23:29
Թուրքիայի հետախուզությունն ԱՄՆ-ում հսկողություն է իրականացնում՝ բացահայտնելու Էրդողանի քննադատներին
Տոյվո Կլաարի և Իրակլի Ղարիբաշվիլիի հանդիպմանն ընդգծվել է Վրաստանի դերը հայ-ադրբեջանական բանակցություններում
Քաղաքականություն
07.02.2023 | 20:11
Վրաստանի վարչապետ Իրակլի Ղարիբաշվիլին հանդիպել է Հարավային Կովկասում և Վրաստանում ԵՄ հատուկ ներկայացուցիչ, Ժնևի միջազգային բանակցությունների համանախագահ Տոյվո Կլաարի հետ։ Այս մասին, հղում անելով Վրաստանի կառավարությանը, գրում է Aliq Media-ն:
Նշվում է, որ հանդիպմանն անդրադարձ է եղել տարածաշրջանի ու աշխարհի անվտանգության միջավայրին և մարտահրավերներին։
«Հերթական անգամ ընդգծվեց Վրաստանի հաջող միջնորդությունը, որի արդյունքում Ադրբեջանն ազատ արձակեց հայ ռազմագերիներին, իսկ դրա դիմաց Հայաստանն ադրբեջանական կողմին հանձնեց ականապատ տարածքների քարտեզները։ Թբիլիսիում կայացել է նաև Հայաստանի և Ադրբեջանի արտգործնախարարների հանդիպումը»,- նշված է տարածած հաղորդագրության մեջ:
Ղարիբաշվիլին պատրաստակամություն է հայտնել շարունակել միջնորդի դերը հարևան երկրների միջև՝ տարածաշրջանում խաղաղություն և կայունություն ապահովելու համար։
