30.11.2024 | 01:27
ՀՀ-ն հետ է կանչել Սիրիայում հումանիտար ականազերծման և բուժաշխատողների մասնագիտական խմբի ողջ անձնակազմին
էրդողանը Թուրքիայի 10 նահանգներում արտակարգ դրություն է հայտարարել
Քաղաքականություն
07.02.2023 | 18:13
Թուրքիայի նախագահ Ռեջեփ Թայիփ Էրդողանը երեք ամսով արտակարգ դրություն է հայտարարել երկրի տասը նահանգներում, որոնք տուժել են ավերիչ երկրաշարժերից։ Հիշեցնենք, որ ցնցումների էպիկենտրոնը Քահրամանմարաշ նահանգն է։
Էրդողանը հայտնել է, որ վերջին տվյալներով՝ երկրաշարժից զոհվել է 3,549 մարդ, 22,168 վիրավոր կա, փլատակների տակից հաջողվել է փրկել ավելի քան 8,000 մարդու։
«Մենք կանգնած ենք ամենամեծ աղետներից մեկի առաջ ոչ միայն Թուրքիայի, այլև տարածաշրջանի ու ամբողջ աշխարհի պատմության մեջ։ Աղետի գոտում աշխատանքի համար մոբիլիզացվել են պետական բոլոր կառույցները, անձնակազմերը և տեխնիկան։ Առաջին փուլում 100 միլիարդ լիրա է հատկացվել աղետի գոտու բնակիչներին շտապ օգնություն ցուցաբերելու համար»,- ասել է Էրդողանը։
Նա հավելել է, որ երկրաշարժի գոտի է ուղարկվել 54,000 վրան, 102,000 մահճակալ և առաջին անհրաժեշտության իրեր։
Էրդողանի խոսքով՝ աղետի գոտում արդեն աշխատում է 53,317 փրկարար։ Նրանց թիվն օրեցօր ավելանում է Թուրքիայից և այլ երկրներից ժամանած թիմերի շնորհիվ։
Թուրքիայի նախագահը նաև համերաշխության կոչ է արել։
«Մենք տեսնում ենք կեղծիքների և ապատեղեկատվության միջոցով հասարակության մեջ պառակտում ստեղծելու փորձեր։ Ամեն ինչի համար ժամանակին պատասխան կստանանք»,- հայտարարել է Էրդողանը։
Էմմա Չոբանյան
