09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
Թուրքիայում և Սիրիայում ավերիչ երկրաշարժի հետևանքով 23 մլն մարդ է տուժել
Քաղաքականություն
07.02.2023 | 16:34
Թուրքիայի հարավ-արևելքում և Սիրիայի հյուսիսում տեղի ունեցած հզոր երկրաշարժի հետևանքով տուժել է մինչև 23 միլիոն մարդ, այդ թվում՝ 5 միլիոնը՝ հատկապես խոցելիները։ Այս մասին Ժնևում կայացած մամուլի ասուլիսում հայտարարել է Առողջապահության համաշխարհային կազմակերպության ներկայացուցիչ Ադելհայդ Մարշանգը, գրում է DW-ի ռուսական ծառայությունը։
Թուրքիայի կառավարությունն իր հերթին երկրում երկրաշարժից տուժածների թիվը գնահատել է 13,5 միլիոն մարդ։ Շրջակա միջավայրի և քաղաքաշինության նախարար Մուրադ Քուրումը հայտարարել է, որ փլատակների տակ մնացածների որոնողական և երկրաշարժի հետևանքների վերացման աշխատանքները շարունակվում են։ Նրա խոսքով՝ տուժած շրջաններում ավերվել են ճանապարհները, ինչը դժվարացնում է փրկարարական աշխատանքները։
Թուրքիայի փոխնախագահ Ֆուադ Օքթայի վերջին տվյալներով՝ զոհերի թիվը երկրում հասել է 3,419-ի, վիրավորներինը՝ 20,534-ի։ Երկրում ավերվել է առնվազն 5,775 շենք։ Փետրվարի 6-ի վաղ առավոտյան տեղի ունեցած երկրաշարժից հետո գրանցվել է 258 հետցնցում։
Իսկ Սիրիայում, պաշտոնական տվյալներով, զոհվել է առնվազն 1602 մարդ, վիրավորվել՝ 2000-ը։
Էմմա Չոբանյան
