27.06.2026 | 13:33
Ռուբիոն հայտարարել է Իսրայել–Լիբանան նոր համաձայնագրի մասին. Իրանը դուրս է մնում, «Հեզբոլլահը»՝ նույնպես
Թուրքիայի փոխնախագահը երկրաշարժի զոհերի և վիրավորների թարմ տվյալներ է ներկայացրել
Քաղաքականություն
07.02.2023 | 14:02
Թուրքիայում ավերիչ երկրաշարժերի զոհերի թիվը հասել է 3,419-ի, վիրավորներինը՝ 20,534-ի։ Այս մասին հայտարարել է Թուրքիայի փոխնախագահ Ֆուաթ Օքթայը, գրում է Անադոլու գործակալությունը։
Նրա խոսքով՝ աղետի գոտում շենքերի փլատակների տակից փրկվել է ավելի քան 8 հազար մարդ։
«Արտասահմանից երկրաշարժի գոտի է ժամանել 3,294 փրկարար։ 70 երկիր հայտարարել է օգնության պատրաստակամության մասին, որոնցից 14-ի ներկայացուցիչներն արդեն գտնվում են աղետի գոտում»,- ասել է Օքթայը։
Նա նշել է, որ Հաթայ նահանգ կմեկնի փրկարարների ավելի քան 1600 խումբ՝ ինչպես Թուրքիայից, այնպես էլ արտերկրից։
Թուրքիայի հանրակացարաններում երկրի 10 նահանգի 380,000 բնակիչ է տեղավորվել։ Օքթայը նաև հայտարարել է Հաթայ, Քահրամանմարաշ և Ադիյաման նահանգների հետ տրանսպորտային կապերի 48-ժամյա արգելքի մասին։ Բացառություն է արվում միայն ապրանքների մատակարարման պարագայում։
Էմմա Չոբանյան
