14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թուրքիայում երկրաշարժերի հետևանքով ավելի քան 20 000 մարդ է վիրավորվել
Քաղաքականություն
07.02.2023 | 11:25
Թուրքիայի աղետների ու արտակարգ իրավիճակների կառավարման ծառայությունը (AFAD) ավերիչ երկրաշարժերից զոհերի ու տուժածների նոր տվյալներ է ներկայացրել։ Մասնավորապես, զոհերի թիվը հասել է 3 381-ի, 20 426 մարդ վնասվածքներ է ստացել։ 5 775 շինություն ավերվել է, չհաստատված տեղեկություններ են ստացվել 11 302 տների փլուզման մասին։
Ընդհանուր առմամբ, երկրաշարժի գոտում որոնողափրկարարական աշխատանքներում ծառայության 24,443 աշխատակից է մասնակցում։
Հիշեցնենք, որ երկրաշարժը տեղի էր ունեցել նախօրեին առավոտյան ժամը 4-ի սահմաններում Քահրամանմարաշի Փազարջիկ բնակավայրի մոտ։ 7,8 մագնիտուդով երկրաշարժը տեղի է ունեցել 7 կիլոմետր խորության վրա։ Դրան հաջորդել են բազմաթիվ հետցնցումներ, որոնցից ամենահզորը եղել է 7,7 մագնիտուդով և զգացվել նաև ՀՀ տարածքում 3-4 բալ ուժգնությամբ։
Էմմա Չոբանյան
