16.11.2024 | 16:41
Հայաստանի ազգային հավաքականը մեկնել է Lատվիա
«Եթե Սեյրան Օհանյանը համաձայներ վաղեմության հիմքով գործը փակել, իմ այստեղ լինելը կլիներ ժամանակավրեպ»․ Գլխավոր դատախազ․ ՏԵՍԱՆՅՈՒԹ
Հասարակություն
07.02.2023 | 11:06
Ազգային ժողովը քննարկում է ԱԺ «Հայաստան» խմբակցության ղեկավար Սեյրան Օհանյանի նկատմամբ հանրային քրեական հետապնդում հարուցելուն համաձայնություն տալու մասին ՀՀ գլխավոր դատախազի առաջին միջնորդությունը:
«Քաղաքացիական պայմանագիր» խմբակցության պատգամավոր Վահագն Ալեքսանյանը նշեց, որ երեկ Սեյրան Օհանյանը հայտնել է՝ չի պատրաստվում ստորագրել այն միջնորդագրի տակ, որով վաղեմության ժամկետի հիմքով գործը կկարճվի։
Պատգամավորը, դիմելով գլխավոր դատախազին, հետաքրքրվեց՝ արդյո՞ք Օհանյանի այդ իրավունքը պահպանվում է և վարույթի ընթացում ցանկացած պահի կարող է ստորագրել այդ միջնորդագրի տակ, և դա կունենա կանխատեսելի ելք։
ՀՀ գլխավոր դատախազ Աննա Վարդապետյանի խոսքով՝ Քրեական դատավարության օրենսգիրքն այս դեպքում պահանջում է, որ վարույթն ընդհանուր կարգով շարունակվի, և անձը, ըստ էության, զրկված չէ որևէ փուլում նման միջնորդություն ներկայացնելու իրավունքից։
«Այսպիսի դեպքում իրականացվում է վերդիկտ՝ առանց պատժի նշանակման։
Եթե Սեյրան Օհանյանը համաձայներ վաղեմության հիմքով գործը փակել, իմ այստեղ լինելը կլիներ ժամանակավրեպ»,- նշեց Գլխավոր դատախազը։
Մանրամասները՝ տեսանյութում։
